Գերմանացիների ավելի քան 50%-ը դժգոհ է Ուրսուլա ֆոն դեր Լեյենի՝ որպես Եվրոպական հանձնաժողովի ղեկավարի աշխատանքից՝ հաշվի առնելով նրա՝ ԱՄՆ-ի հետ կնքված մաքսատուրքերի վերաբերյալ գործարքը։ Այս մասին են վկայում INSA ինստիտուտի կողմից Bild թերթի համար անցկացված հարցման արդյունքները։ 

Հարցման համաձայն՝ գերմանացիների 51%-ը դժգոհ է ֆոն դեր Լեյենի աշխատանքից, հարցվածների 31%-ը հակառակ կարծիքին է, իսկ հարցվածների 18%-ը հստակ պատասխան չի տվել։

Բացի այդ, հարցումը ցույց է տվել՝ գերմանացիների 66%-ը կարծում է, որ մաքսատուրքերը բացասաբար կանդրադառնան երկրի տնտեսության վրա, գերմանացիների 14%-ը հույս ունի դրական փոփոխությունների, իսկ 10%-ը որևէ փոփոխություն չի սպասում։ 

Հարցումն անցկացվել է հուլիսի 31-ից մինչև օգոստոսի 1-ը, որին մասնակցել է մոտ հազար մարդ։