Իրանի արտաքին գործերի նախարարությունը հերքել է ԱՄՆ-ի հետ բանակցությունները վերսկսելու որոշումը
Իրանի արտաքին գործերի նախարարության խոսնակ Էսմայիլ Բաղային հերքել է այն լուրերը, որ Միացյալ Նահանգներն ու Իրանը համաձայնության են եկել Իրանի միջուկային ծրագրի շուրջ ստեղծված ճգնաժամը կարգավորելու նպատակով բանակցությունները վերսկսելու վայրի և ժամանակի շուրջ։
«Վերջին երեք-չորս շաբաթների ընթացքում բազմիցս հրապարակվել են կեղծ լուրեր, և դրանց կեղծ լինելը միշտ ապացուցվել է։ Այս պատմություններից մի քանիսը սադրիչ են», – ասել է նա։
Բաղայիի խոսքով, երկու երկրների միջև հաղորդագրությունների փոխանակման գործընթացը շարունակվում է։ «Միշտ էլ եղել է դիվանագիտության հստակ տարբերակ՝ երկու երկրների շահերը պաշտպանող առաքելությունների միջոցով (Շվեյցարիայի դեսպանատունը Թեհրանում և Պակիստանի դեսպանատունը Վաշինգտոնում)», – նշել է իրանցի դիվանագետը։
Իրանի և ԱՄՆ-ի միջև միջուկային դոսիեի շուրջ Օմանի միջնորդությամբ անցկացված բանակցությունների հինգ փուլերը 2025 թվականին ավարտվեցին անարդյունք՝ Իսլամական Հանրապետության դեմ Իսրայելի ռազմական գործողության սկսման և ամերիկյան զինված ուժերի կողմից Իրանի միջուկային օբյեկտներին հարվածների պատճառով։ Միաժամանակ, Թեհրանի հետ բանակցություններ վարեցին «եվրոպական եռյակի» երկրների (Մեծ Բրիտանիա, Գերմանիա և Ֆրանսիա) ներկայացուցիչները, որոնք չկարողացան միջնորդի դեր խաղալ նոր համաձայնագրի կնքման գործում։
Latest from ArmNews
- Լիբանանը համաձայնել է «Հըզբոլլահ»-ի զինաթափման վերաբերյալ ԱՄՆ առաջարկին
- Ֆոն դեր Լայենը Զելենսկիի հետ քննարկել է Ուկրաինայում հակամարտությունը և ԵՄ անդամակցության հարցը
- Փաշինյանն այցելել է Վաշինգտոնի Աստվածաշնչի թանգարան և նվիրել Գրիգոր Նարեկացու միջնադարյան նկարազարդ մատյանի կրկնօրինակը
- Լիբանանը համաձայնել է «Հեզբոլլահ»-ին զինաթափելու ԱՄՆ առաջարկին
- Քթի վիրահատությունից հետո 32-ամյա կինն այրվածքներով տեղափոխվել է «Այրվածքաբանության ազգային կենտրոն»
- «Բարսելոնայի» պաշտպանը լքում է ակումբը
- Լարսի անցակետ տանող ճանապարհը փակ է բոլոր տրանսպորտային միջոցների համար
- Թրամփը Պուտինի հետ կհանդիպի միայն այն դեպքում, եթե վերջինս հանդիպի նաև Ուկրաինայի նախագահ Զելենսկու հետ
Լրահոս
Ֆոտո
