Օգոստոսի 06, 2025
Հնդկական «PTI» գործակալությունը, հղում անելով իր աղբյուրներին, հայտնում է, որ Պակիստանը խախտել է հրադադարը Ջամու և Քաշմիր նահանգում, տուժածներ չկան:
«Պակիստանը Ջամու և Քաշմիրի վերահսկողության գծի երկայնքով խախտել է հրադադարի ռեժիմը՝ չհիմնավորված կրակոցներ արձակելով Պունչ տեղամասում։ Հնդկական բանակը պատասխանել է հրադադարի խախտմանը: Փոխհրաձգությունը շարունակվել է 15 րոպե», - ասել են գործակալության աղբյուրները։
Հիշեցնենք` Հնդկաստանի և Պակիստանի միջև հարաբերությունները կտրուկ վատացան Պահալգամ քաղաքում ապրիլի 22-ին իրականացված ահաբեկչությունից հետո, ինչի հետևանքով զոհվեցին Հնդկաստանի 25 և Նեպալի 1 քաղաքացի, բազմաթիվ մարդիկ վնասվածքներ ստացան։ Հնդկաստանը հայտարարեց` իր հետախուզական ծառայությունները հայտնաբերել են ապացույցներ, որ «Լաշքար-է-Թայբա» խմբավորման իրականացրած ահաբեկչական գործողությանը մասնակցել է Պակիստանի միջգերատեսչական հետախուզությունը (ISI)։ Պակիստանի վարչապետ Շահբազ Շարիֆը հերքեց մեղադրանքները:
Մայիսի 7-ի գիշերը Հնդկաստանի պաշտպանության նախարարությունը հայտնեց, որ ի պատասխան Պահալգամի ահաբեկչության` իրականացրել է «Սինդուր» գործողություն՝ հարված հասցնելով Պակիստանի տարածքում գտնվող «ահաբեկչական ենթակառուցվածքին»: Գերատեսչությունը հայտարարեց, որ գործողության շրջանակում Պակիստանի ոչ մի ռազմական օբյեկտ հարձակման չի ենթարկվել: Պակիստանի իշխանություններն իրենց հերթին հայտարարեցին, որ Հնդկաստանը հարձակվել է պակիստանյան հինգ բնակավայրերի վրա, հարվածների հետևանքով զոհվել են տասնյակ մարդիկ: Պակիստանի ԱԳՆ-ն հայտարարեց, որ Իսլամաբադն իրեն համարժեք պատասխան տալու իրավունք է վերապահում:
Latest from ArmNews
- Զգուշացում. Ինչ է կատարվում iPhone-ի հետ. Արթուր Պապյան
- Ռուսաստանը քննարկում է Ուկրաինայի հետ օդային զինադադարի հարցը․ Bloomberg
- ՆԱՏՕ-ի առաջնորդները կատարում են իմ բոլոր պահանջները. Թրամփ
- Իրանի ազգային անվտանգության խորհրդի քարտուղար է նշանակվել Գերագույն առաջնորդի խորհրդականը
- Ուրալում ադրբեջանական համայնքի ղեկավար Շիխլինսկին տեղափոխվել է մենախուց
- Հրդեհ է բռնկվել «Ծիրան» սուպերմարկետում
- Թուրքիան չի միացել Իսրայելի դեմ պատժամիջոցներին
- Փաշինյանն ու Ալիևը փոխում են Հարավային Կովկասի «կուրատորին». «Կոմերսանտ»
Լրահոս
Prev
Next
Ֆոտո
