Ավելի քան 1000 փրկարար է ներգրավված Կալիֆոռնիա նահանգում անտառային խոշոր հրդեհի մարման գործում, հաղորդում է ABC News-ը։

Հրդեհի մակերեսն այժմ կազմում է գրեթե 30 հազար հա։ Այն մոլեգնում է Սանտա Բարբարա և Սան Լուիս Օբիսպո շրջաններում գտնվող Լոս Պադրես ազգային պարկի տարածքում։ Վերջին տվյալներով՝ տուժել է երեք մարդ։ Տարերքից տուժած շրջանների բնակիչների տարհանում է ընթանում։ Այժմ վտանգի տակ են գտնվում 460 բնակելի տուն և այլ շինություններ։

Հրդեհը, որի պատճառը իրավապահ մարմիններն այժմ փորձում են պարզել` սկսվել է օգոստոսի 1-ին և շարունակում է արագ տարածվել։

Սա Կալիֆոռնիայում տարեսկզբից ի վեր ամենամեծ հրդեհն է։ Հունվարին «Իթոն» և «Պալիսեյդս» անտառային հրդեհները ընդգրկել են Լոս Անջելեսի շրջանը, դրանց ընդհանուր մակերեսը գերազանցել է 16 հազար հեկտարը։ Կրակը հանգեցրել է 30 մարդու մահվան և ավերել ավելի քան 12 հազար շինություն, ներառյալ հայտնի անձանց անշարժ գույքը։