Թրամփը Սաուդյան Արաբիայում հայտարարել է, որ խոշոր գործարքների միջոցով ԱՄՆ-ն կներգրավի ավելի քան 1 տրիլիոն դոլարի ներդրումներ
ԱՄՆ նախագահ Դոնալդ Թրամփը Սաուդյան Արաբիայում բիզնես ֆորումի ժամանակ հայտարարել է, որ խոշոր ընկերությունների հետ ակնկալվող առևտրային գործարքների միջոցով ԱՄՆ կներգրավի ավելի քան 1 տրիլիոն դոլարի ներդրումներ։
«Այս ուղևորության շնորհիվ մենք կավելացնենք ավելի քան 1 տրիլիոն դոլար՝ մեր երկրում ներդրումների և մեր արտադրանքի գնման առումով», - ասել է Թրամփը, որին խոսքերը մեջբերում է Reuters-ը:
Միջոցառմանը ներկա են եղել ամերիկացի գործարարներ՝ Tesla-ի և SpaceX-ի հիմնադիր Իլոն Մասկը և Nvidia-ի գործադիր տնօրեն Ջենսեն Հուանգը։
Նախօրեին հաղորդվել էր, որ Թրամփը փաստաթղթեր է ստորագրել ԱՄՆ տնտեսության մեջ Սաուդյան Արաբիայի 600 միլիարդ դոլարի ներդրման վերաբերյալ։
«Փաստաթղթերը ստորագրվել են Էր-Ռիադում և ներկայացնում են երկրների միջև գործընկերության նոր ոսկե դարաշրջանը» , հայտնել են Սպիտակ տանը:
Համաձայնագրերը ներառում են ներդրումներ ԱՄՆ էներգետիկ ենթակառուցվածքներում և առողջապահական ծրագրերում։
Բացի այդ, ԱՄՆ-ը և Սաուդյան Արաբիան ստորագրել են 142 միլիարդ դոլար արժողությամբ ռազմական համագործակցության մեծ համաձայնագիր, որը նախատեսում է ամերիկյան արտադրության ժամանակակից սպառազինությունների և սարքավորումների մատակարարում Էր Ռիադին, ինչպես նաև Սաուդյան Արաբիայի զինված ուժերի ուսուցում և աջակցություն:
Latest from ArmNews
- ԵԽ քվեարկության արդյունքներով մերժվել է Ուրսուլա ֆոն դեր Լայենին անվստահություն հայտնելու նախագիծը
- Լավրովը և Ռուբիոն քննարկել են Ուկրաինայի խնդրի կարգավորումը, իրավիճակն Իրանում և Սիրիայում
- Սթարմերը և Մակրոնը քննարկում են միջուկային զսպումը, ՌԴ-ի վրա ճնշումն ու աջակցությունն Ուկրաինային
- Իրանում վերսկսվել է բոլոր օդանավակայանների աշխատանքը
- Սպասվում է կարճատև անձրև և ամպրոպ. օդի ջերմաստիճանն աստիճանաբար կբարձրանա
- Իրանը լուրջ սպառնալիք է Մեծ Բրիտանիայի համար․ Մեծ Բրիտանիայի խորհրդարան
- Գազայում իսրայելական նոր հարվածները 50-ից ավելի պաղեստինցու կյանք են խլել
- ԱՄՆ-ն արձագանքել է ապաշրջափակման վերաբերյալ Երևանին և Բաքվին առաջարկ ներկայացնելու լուրերին
Լրահոս
Ֆոտո
