Ուկրաինայի նախագահ Վոլոդիմիր Զելենսկին հայտարարել է, որ պատրաստ կլինի հրաժարվել պաշտոնից, եթե իր երկրին թույլ տան միանալ ՆԱՏՕ-ին։
Այս մասին հաղորդում է Sky News-ը։
Լոնդոնում աշխարհի մի շարք ղեկավարների հետ տեղի ունեցած բանակցություններից հետո Sky News-ի լրագրողը Զելենսկիին հարց է ուղղել՝ արդյոք նա կարող է հրաժարական տալ, եթե Ուկրաինան դառնա ՆԱՏՕ-ի անդամ։
«Ես ենթակա եմ փոխանակման ՆԱՏՕ-ի հետ։ Ես ասել եմ, որ կփոխանակեմ (իմ պաշտոնը) ՆԱՏՕ-ին անդամակցության հետ, այդ դեպքում դա կնշանակի, որ ես կատարել եմ իմ առաքելությունը։
ՆԱՏՕ-ն նշանակում է, որ ես կատարել եմ իմ առաքելությունը», – ասել է նա։ Միևնույն ժամանակ Զելենսկին ակնարկել է, որ կմասնակցի նախագահական ընտրություններին։
«Ինձ փոխելը հեշտ չի լինի, որովհետև բավարար չէ միայն ընտրություններ անցկացնել։ Պետք է թույլ չտալ, որ ես մասնակցեմ դրանց, իսկ դա մի քիչ ավելի դժվար կլինի», – ասել է Ուկրաինայի նախագահը։
ԱՄՆ նախագահ Դոնալդ Թրամփի և փոխնախագահ Ջեյ Դի Վենսի հետ Օվալաձև աշխատասենյակում տեղի ունեցած բանավեճից հետո ԱՄՆ Ներկայացուցիչների պալատի խոսնակ Մայք Ջոնսոնը և սենատոր Լինդսի Գրեհեմը կոչ էին արել, որ Վոլոդիմիր Զելենսկին հրաժարական տա։
«Ուկրաինայի նախագահը պետք է ընտրվի ոչ թե Լինդսի Գրեհեմի տանը, այլ Ուկրաինայում», – արձագանքելով այդ կոչերին՝ ասել է Զելենսկին՝ առաջարկելով սենատորին Ուկրաինայի քաղաքացիություն տալ, որպեսզի այդ հարցերում «նրա ձայնը կշիռ ունենա»։
Latest from ArmNews
- Կիրիենկոն Աբխազիայում քննարկել է էլեկտրական ցանցերում կորուստների հարցը
- Պապիկյանն ընդունել է ԱՄՆ արտակարգ և լիազոր դեսպանին ու պաշտպանության հարցերով նորանշանակ կցորդ, գնդապետ Մեթյու Քրոուին
- Ռուսաստանի դեմ. վերջնական որոշումն իմն է. Թրամփ
- Իրանը զանգվածաբար արտաքսում է աֆղանցի ներգաղթյալներին․ Հայտնի է պատճառը
- ՔԿ–ն՝ «Տաշիր պիցցա» ցանցի տնօրենի կալանավորման մասին
- Ուկրաինայի պատմությունը մոտենում է տխուր ավարտին․ AC
- Մերձավոր Արևելքում հակամարտության թեժ փուլի սպառնալիքը դեռ չի ավարտվել. ՌԴ-ում Իրանի դեսպան
- Տարադրամի փոխարժեքները հուլիսի 11-ին
Լրահոս
Ֆոտո
