Իրանի խորհրդարանը քվեարկել է ամերիկյան SpaceX ընկերության կողմից Starlink արբանյակային ինտերնետ ծառայության օգտագործումը արգելելու օգտին: Այս ամսին հայտնում է ISNA-ն:

Խախտողներին և Starlink մատակարարներին սպառնում է ազատազրկում և սարքավորումների բռնագրավում:

Ազգային ժողովի նախագահի տեղակալ Ռուբեն Ռուբինյանը հունիսի 30-ին ընդունել է ՀՀ-ում Իրանի Իսլամական Հանրապետության արտակարգ եւ լիազոր դեսպան Մեհդի Սոբհանիին: Այս մասին հայտնում են ՀՀ ԱԺ-ից:

Զրուցակիցները քննարկել են երկկողմ համագործակցությանն ու տարածաշրջանային զարգացումներին վերաբերող հարցեր:

Կարեւորվել են Հարավային Կովկասում եւ Մերձավոր Արեւելքում խաղաղությունն ու կայունությունը:

Բաքվում ձերբակալվել է «Սպուտնիկ Ադրբեջան»-ի 2 աշխատակից: Ադրբեջանական լրատվամիջոցների պնդմամբ՝ նրանք իբր Ռուսաստանի Ֆեդերալ անվտանգության ծառայության (ФСБ) աշխատակիցներ են։

Հիշեցնենք, որ ավելի վաղ հաղորդել էինք, որ ոստիկանության աշխատակիցները գործողություն են իրականացնում «Սպուտնիկ Ադրբեջան»-ի գրասենյակում։

Աղետն ընդգրկում է Պարսից ծոցի երկրներն ու Իրանը, գրում է իրանցի լրագրող Խայալ Մուազինի  թելեգրակյան ալիքը։

«Հնդկաստանը վերջին երկու տասնամյակների ընթացքում գերիշխել է ծրագրային ապահովման ոլորտում։ Արդյունքում, Պարսից ծոցի երկրները և Իրանը մեծապես կախված էին հնդկական ծրագրային ապահովումից և ծրագրավորողներից։»

Իրան «Մոսադ»-ի ներթափանցումից և Չինաստանի ու Ռուսաստանի հետ հետագա հետաքննություններից հետո պարզվել է, որ հնդիկ ծրագրավորողները Հնդկաստանի հետ կապ են հաստատել Իլոն Մասկի Starlink-ի միջոցով։ Ձերբակալություններն ու հարցաքննությունները ցնցող ճշմարտություն են բացահայտել:

Իրանում հնդկական ծրագրային ապահովման մեծ մասն իրականում իսրայելական է, հագեցված back door-ով (մշակողի/հարձակվողի՝ օպերացիոն համակարգ և տվյալներ չարտոնված մուտք գործելու և հեռակառավարելու հնարավորություն ընձեռող միտումնավոր ներդրած ալգորիթմի թերություն-խմբ.), տվյալներ է փոխանցել Իսրայելին իրական ժամանակում։ Ի թիվս այլ բաների, դա ներառում է քաղաքացիական գրանցամատյաններից, անձնագրային տվյալների բազաներից, օդանավակայանների համակարգերից և այլ տվյալներ։

Ավելի մտահոգիչ է այն, որ այդ ծրագիրը խանգարում է ռազմական տեխնիկայի շահագործմանը և թույլ է տալիս հեռակառավարում։

Նույն համակարգը կիրառվում է նաև Պարսից ծոցի երկրներում՝ Արաբական Միացյալ Էմիրություններում, Սաուդյան Արաբիայում, Կատարում և Քուվեյթում։ Սա նշանակում է, որ բոլոր մուտքի և ելքի կետերը, ներառյալ՝ եգիպտացիներինը, վերահսկվում են, և տվյալները փոխանցվում են Իսրայելին։

Իրանը հրապարակել է այս տեղեկությունը, ինչը մեծ ճգնաժամ է առաջացրել տարածաշրջանում։ Հնդկաստանի հետ հարաբերություններում լուրջ խզում է սպասվում, մանրամասները սպասվում են առաջիկա օրերին»,- հաղորդում է իրանական հեռուստաալիքը։

Նիկոլ Փաշինյանի որոշմամբ՝ Արմեն Ասատրյանը նշանակվել է ՀՀ հակակոռուպցիոն կոմիտեի նախագահի տեղակալ։ 

Որոշումը հրապարակվել է ՀՀ կառավարության e-gov.am կայքում։ 

Կրեմլի ներկայացուցչին նաև հարցրել են, թե արդյոք նախատեսվում է Ռուսաստանի նախագահ Վլադիմիր Պուտինի և Ադրբեջանի նախագահ Իլհամ Ալիևի զրույցը: Նա ի պատասխան նշել է, որ խոսակցություն օրակարգում դեռ չկա, բայց եթե այն պահանջվի, ապա, իհարկե, տեղի կունենա ամենասեղմ ժամկետներում։

«Ռուսաստանը շահագրգռված է Ադրբեջանի հետ բարյացակամ հարաբերությունների հետագա զարգացմամբ»,- հավելել Է Պեսկովը:

Եկատերինբուրգում ադրբեջանցիների զանգվածային ձերբակալությունները տեղի են ունեցել հունիսի 27-ին։ Ընդհանուր առմամբ, ոստիկանության բաժին է տարվել ավելի քան 50 մարդ, գրում են լրատվամիջոցները: Հաջորդ օրը քննչական կոմիտեի Սվերդլովսկի վարչությունը հայտնեց, որ հատկապես կարևոր գործերի չորրորդ բաժինը (նախորդ տարիների հանցագործությունների մասին) հետաքննում է քրեական գործը Եկատերինբուրգում էթնիկ հանցավոր խմբի կողմից կատարված սպանությունների և սպանության փորձերի փաստերի վերաբերյալ: Խոսքը 2001, 2010 և 2011 թվականների դրվագների մասին է։ Քննությունը կատարված հանցագործությունների շարժառիթ է համարում բիզնեսում ազդեցության ոլորտների բաժանումը։

Ադրբեջանի ԱԳՆ-ն հայտարարել է, որ ձերբակալվածների թվում կան զոհեր և վիրավորներ, և խնդրել է պատասխանատվության ենթարկել քննչական գործողությունների ժամանակ բռնությանը մասնակից անձանց:

Ռուսաստանի ԱԳՆ-ում բացատրել են, որ ձերբակալություններն իրականացվել են ծանր հանցագործություններիփաստով քրեական գործերի հետաքննության շրջանակներում:

Հունիսի 28-ին Ադրբեջանի ԱԳՆ հրավիրված Ռուսաստանի գործերի ժամանակավոր հավատարմատար Պյոտր Վոլոկովը հավաստիացրել է, որ իրավիճակը գտնվում է իրավապահ մարմինների վերահսկողության ներքո:

Ինչպես ավելի վաղ հունիսի 30-ին հայտնել էր ՔԿ ներկայացուցիչ Սվետլանա Պետրենկոն, նախնական տվյալներով՝ ֆիգուրանտներից մեկը մահացել է սրտի անբավարարության հետևանքով, երկրորդի մահվան պատճառները ներկայումս պարզվում են:

«Բազմակողմանի և օբյեկտիվ քննության» համար քրեական գործը կփոխանցվի Ռուսաստանի քննչական կոմիտեի գլխավոր քննչական վարչությանը, նշել է նա:

Ձերբակալվածներից մեկի փաստաբան Իլկին Ամիրովը ՌԻԱ Նովոստիին ասել է, որ նախորդ տարիների սպանությունների գործում տասը կասկածյալ կա. վեց մարդ այժմ կալանքի տակ է, երկուսը մահացել են, ևս երկուսը հիվանդանոցում են: Ի սկզբանե ավելի շատ մարդ է բերման ենթարկվել, պարզապես հետո հենց առաջին օրը բաց են թողել։ Առավել ամբողջական, բազմակողմանի և օբյեկտիվ քննության նպատակով ՔԿ ղեկավար Ալեքսանդր Բաստրիկինը հանձնարարել է քրեական գործը փոխանցել Ռուսաստանի Դաշնության քննչական կոմիտեի գլխավոր քննչական վարչությանը:

Բաքվում անմիջապես ադրբեջանցիների ձերբակալությունները որակեցին որպես անօրինական և սկսեցին պատասխան գործողություններ: Սկզբում հայտնի դարձավ փոխվարչապետ Ալեքսեյ Օվերչուկի Բաքու կատարած այցի չեղարկման մասին, որից հետո ադրբեջանական պատվիրակությունը որոշեց չմասնակցել Միլլի մեջլիսի և Ռուսաստանի Դաշնային ժողովի միջխորհրդարանական համագործակցության հանձնաժողովի նիստին:

Այնուհետև հայտարարվեց ռուս աստղերի մասնակցությամբ բոլոր համերգների, բալետային և օպերային ներկայացումների չեղարկման մասին։

Հաջորդիվ խուզարկություններ են սկսվել Sputnik Ադրբեջանի գրասենյակում։ ՆԳՆ-ն դա անվանել է «հատուկ գործողություն»։

Միացյալ Նահանգներ12:30, 30 հունիսի 2025Կանադան կչեղարկի թվային ծառայությունների հարկը՝ ԱՄՆ-ի հետ առևտրային բանակցություններն առաջ մղելու համարԿանադան որոշում է ընդունել է չեղարկել թվային ծառայությունների հարկը՝ Միացյալ Նահանգների հետ առևտրային բանակցությունները վերսկսելու համար: Ինչպես տեղեկանում ենք ՏԱՍՍ գործակալությունից, այդ մասին հայտնել է Կանադայի ֆինանսների նախարարությունը:

Գերատեսչության տվյալներով՝ երկրի ֆինանսների նախարար Ֆրանսուա-Ֆիլիպ Շամպանը հայտարարել է թվային ծառայությունների հարկի չեղարկման մասին՝ «ԱՄՆ-ի հետ փոխշահավետ, համապարփակ առևտրային համաձայնագրի ակնկալիքով»:

Ինչպես հաղորդել է նախարարությունը՝ Կանադայի վարչապետ Մարկ Քարնին և ԱՄՆ նախագահ Դոնալդ Թրամփը համաձայնության են եկել վերսկսել բանակցությունները՝ «մինչև 2025 թվականի հուլիսի 21-ը համաձայնագիր կնքելու նպատակով»:

Ինչպես նշել է գերատեսչությունը, հարկի գանձումը, որը նախատեսված է 2025 թվականի հունիսի 30-ին, կդադարեցվի, իսկ  նախարար Շամպանը «շուտով կներկայացնի օրինագիծ թվային ծառայությունների հարկի մասին օրենքը չեղարկելու վերաբերյալ»: 

Նշվում է, որ Կանադայի նոր կառավարությունը «մասնակցում է ԱՄՆ-ի հետ նոր տնտեսական գործընկերության և անվտանգության բնագավառում գործընկերության շուրջ բարդ բանակցություններին, որը կենտրոնացած է կանադացի աշխատողների և ձեռնարկությունների համար լավագույն գործարք ստանալու վրա»: 

Հունիսի 27-ին նախագահ Թրամփը հայտարարել է, որ հրաժարվում է շարունակել Կանադայի հետ երկխոսությունը երկրների միջև առևտրային համաձայնագրի շուրջ։ ԱՄՆ-ի ղեկավարն ընդգծել է, որ իր որոշումը կապված է ամերիկյան տեխնոլոգիական ընկերությունների համար թվային ծառայությունների հարկ սահմանելու՝ Օտտավայի մտադրության հետ։ Թրամփը մեղադրել է Կանադայի իշխանություններին «Եվրամիությանը պատճենելու» մեջ:

Լավրովն ավելի լավ է չխառնվի ՀՀ-ի ներքին գործերին, Եկեղեցու հարցը մեր ներքին գործն է. Միրզոյան. Տեսանյութ

ՀՀ ԱԺ նախկին պատգամավոր Սամվել Ֆարմանյանը գրում է․ «Ֆրանսիայի նախագահ Մակրոնը Նիկոլին խոստացել է Խաղաղության Նոբելյան մրցանակ, եթե Հայաստանը միակողմանի զիջումներով ի վերջո հասնի Ադրբեջանի ու Թուրքիայի հետ «հարաբերությունների կարգավորման»:

Արդեն կասկած չունեմ, որ բացի մնացյալը, հենց այս թակարդի հեռանկարն է Նիկոլին  մղել/մղում ադրբեջանական ու թուրքական ուղղություններով ինքնամոռաց զիջումների ու ազգային նվաստացման:

Ելիսեյան պալատը թակարդն ընկած Նիկոլին համոզել է, որ նման մրցանակն ինքնին կդառնա նրա անձնական անվտանգության ցմահ ու գործուն երաշխիքը, բացի միջազգային հեղինակությունը։

Նիկոլն ակնհայտորեն կուտը կերել է: Հայ ժողովրդի գլխին այսքան բան բերելուց հետո անձնական անվտանգության վստահելի այլընտրանքի բացակայությունն է երևի Նիկոլին մղել հավատալ նման թակարդի՝ հնարավոր ու անհնար ամեն ինչ զիջել, ստորանալ, միայն, թե հասնի Ադրբեջանի ու Թուրքիայի հետ անգամ ոչինչ չասող թղթերի ստորագրման: Կարևորը ստանա խաղաղության նոբելյան մրցանակ եւ լուծվի իր անձնական անվտանգության հարցը:

Այս համատեքստու՛մ փնտրեք Մակրոնի՝ առաջին հայացքից արտասովոր կիրակնօրյա աջակցությունը Նիկոլին ներքաղաքական հատուկ շեշտադրմամբ: Ու մտածեք, թե ինչ շահեր ունեն այդ գործարքներից Մակրոնը, Միշելն ու Նիկոլի իշխանության ստվերային տերերը

Նիկոլն ակնհայտորեն ծամել ու կուլ է տվել այն խայծը, ինչ մերժել էր Սարգսյանը՝ Խաղաղության Նոբելյան մրցանակ-ազգային շահերն ուրանալու դիմաց: Առանց հասկանալու, որ այդ հարցում ևս խաբված է դուրս գալու:

Վերհիշեցնեմ 2010 թ. մարտի 10-ին Ելիսեյան պալատում տեղի ունեցած Սարկոզի-Սարգսյան բանկացությունների՝ իմ կողմից գաղտնազերծված պատմական հատվածը:

․․․

– Ֆրանսիան ձեզ մենակ չի թողնի, ձեր հակառակորդը պետք է կարողանա կա՛մ սեղմել ձեր ձեռքը, կա՛մ կրել դա չանելու հետևանքները,– Սարկոզի։

– Այս ընթացքում հետևում եմ Կոսովոյի խնդրի շուրջ Հաագայի դատարանում տեղի ունեցող քննարկումներին։ Շատ պայծառ մտքեր են հնչում՝ հիմնավորելով ժողովուրդների ինքնորոշման իրավունքը, ու մենք մտածում ենք, թե ինչու մի դեպքում այդպես պետք է լինի, մյուս դեպքում՝ ուրիշ կերպ: Եթե մի հրաշքով Ղարաբաղը հայտնվի Ադրբեջանի կազմում, ապա այնտեղ մեկ հայ չի մնա. էթնիկ զտումն Ադրբեջանին ծանոթ ձեռագիր է: Ես ինչպե՞ս կարող եմ բաց աչքով Ղարաբաղը հանձնել Ադրբեջանին, պարո՛ն նախագահ: Ես ցանկացած, կրկնում եմ, ցանկացած գին պատրաստ եմ վճարել, բայց դա անհնար բան է,- Սարգ­սյան։

– Բայց այդ դեպքում նույն տրամաբանությամբ ադրբեջանցիներն էլ կասեն, թե Նախիջևանն է վտանգի մեջ,- Սարկոզի։

-Իհարկե, չեն կարող նման բան ասել, քանի որ Նախիջևանը սահման ունի իրենց դաշնակից Թուրքիայի հետ,- Սարգսյան։

– Այդ դեպքում ո՞րը պետք է լինի հաջորդ նախաձեռնությունը։ Ինչպե՞ս եք պատկերացնում հանրաքվեի անցկացումը,- Սարկոզի։

– Ինքնորոշման հնարավորություն տալ Լեռնային Ղարաբաղի ժողովրդին՝ որոշելու, թե ինչպիսին պետք է լինի Լեռնային Ղարաբաղի կարգավիճակը՝ առանց որևէ սահմանափակման,- Սարգսյան։

– Բայց հենց դա՛ է դժվարությունը: Ինչպե՞ս սահմանել, թե ովքեր պետք է մասնակցեն այդ հանրաքվեին,- Սարկոզի։

– Այնպես, ինչպես սահմանված է մադրիդյան սկզբունքներում ու մեր բանակցած փաստաթղթերում։ Այն համամասնությամբ, որ հայերն ու ադրբեջանցիները կազմել են ԼՂԻՄ-ի բնակչությունը ըստ խորհրդային վերջին մարդահամարի տվյալների՝ համապատասխանաբար մոտ 75 և 25 տոկոս համամասնությամբ,- Սարգսյան։

– Բայց Ադրբեջանն էլ պնդում է, որ բնակչության թվաքանակն այս ընթացքում փոխվել է, ու այլ կերպ է պատկերացնում հանրաքվեի մասնակիցների կազմը, թե ովքեր պետք է մասնակցեն այդ հանրաքվեին,- Սարկոզի։

– Ի՞նչ է նշանակում բնակչության համամասնության փոփոխություն: Հակամարտությունը ծագել է 1988 թ., և մեր բանակցվող սկզբունքներում գրված է, որ բնակչության համամասնություն ասելով՝ նկատի են առնվում 1989 թ. մարդահամարի տվյալները: Հենց այդ պատճառով էլ, ելնելով

ադրբեջանական կողմի նման պարզ վերաբերմունքից, պարո՛ն նախագահ, մենք ասում ենք, որ Ղարաբաղն Ադրբեջանի կազմում չի կարող որևէ ապագա ունենալ, – Սարգսյան։

– Ամեն դեպքում դժվար է լինելու տարանջատել հանրաքվեի անցկացման հստակ սահմանները, թե որտեղ ու ինչ համամասնությամբ այն անցկացնել,- Սարկոզի։

— Ամեն ինչ շատ հստակ է. ԼՂԻՄ-ի տարածքում՝ 1989 թ. մարդահամարի տվյալների համամասնությամբ,- Սարգսյան։

– Մենք վերահաստատում ենք Ձեզ Ֆրանսիայի աջակցությունը։ Ես Ռուսաստանի նախագահ Մեդվեդևին խոստացել էի, որ այս մասին մանրամասնորեն կխոսեմ Ձեզ հետ։ Մենք ձեր փոխարեն չենք կարող որոշել ու քայլեր կատարել: Ես վերահաստատում եմ, որ Հայաստանը պետք է լինի մշտապես պաշտպանված ու այդ հարցում կստանա Ֆրանսիայի աջակցությունը: Բայց եթե իրադարձություններն այլ ընթացք ունենան, ապա դա կհանգեցնի պատերազմի, ու լավ չի լինի մեր հայ բարեկամների համար: Ես շատ հայ բարեկամներ ունեմ: Դուք մեծ տառապանքներ ու զրկանքներ եք կրել, ու չկա որևէ պատճառ՝ փոխելու մեր համերաշխությունը ձեզ հետ: Ես չեմ

ցանկանում պնդել այն, ինչ արդեն ասացի, բայց ուզում եմ ասել, որ ձեզ՝ հայերիդ, շատ եմ սիրում: Ինչ-որ պահի պետք է դրսևորել պատմական մոտեցում։ Եթե կանգնում ենք ճանապարհի կեսին, ունենում ենք թերություններ, ոչ առավելություններ: Դուք խաղաղության մարդ եք: Հայաստանի ու Թուրքիայի միջև հակամարտությունը միջազգայնորեն այնքան ճանաչված է, որ նրանք, ովքեր կլուծեն այդ հակամարտությունը,

կդառնան նոր նելսոնմանդելաներ: Հայաստանը չունի նավթ ու գազ, բայց փոխարենն ունի համարձակ ու խելացի բնակչություն: Հետաքըրքիր երկիր է Հայաստանը. փոքր պետություն է, բայց ճանաչելի՝ ամբողջ աշխարհում: Դա մի կողմից առավելություն է։ Բայց գիտեմ, որ նաև այդ պատճառով է, որ հայերդ պատմության ընթացքում այդքան մեծ գին եք վճարել: Շատ քիչ ժողովուրդներ կան, որ լինելով այդքան փոքրաթիվ՝ այդքան մեծ ճանաչում ունեն աշխարհում ու այդքան մեծ հետաքրքըրություն են առաջացնում: Հայաստանի նախագահին այդ ամենը հսկայական ուժ է տալիս: Հայաստանի նախագահը շատ ավելի ուժեղ է,

քան շատ այլ, տարածքով ավելի մեծ պետությունների ղեկավարներ: Կան շատ ավելի մեծ երկրներ, որոնց առաջնորդները չունեն նման ճանաչում ու աջակցություն: Ես այս ամենը չեմ ասում՝ Ձեզ հաճոյանալու համար: Այլ, որ օգտվեք ստեղծված հնարավորությունից ու ձեռք մեկնեք՝ լուծելու խնդիրները: Թեև ֆուտբոլային սովորական մի հանդիպում էր, բայց ամբողջ աշխարհը ձեզ հետ միասին նայում էր այն, այդ թվում և ես ու այստեղ նստած իմ խորհրդականները: Հայաստանը կարիք ունի տնտեսական աճի ու զարգացման։ Դրա համար ձեզ անհրաժեշտ է խաղաղություն: Երբ Դուք ասում եք, որ թուրքերը բանակցություններում անտանելի են, ես Ձեզ հետ համաձայն եմ՝ չեք կարող մշտապես հենվել Էրդողանի վրա։  Ի՞նչ է, ձեր հույսը ռուսնե՞րն են․․․ Ցանկացած երկիր ունի իր խնդիրները, նույնիսկ ամենախոշորները: Ռուսաստանը չի ուզում շրջափակված վիճակում լինել կամ հայտնվել ԱՄՆ ու Չինաստանի հեգեմոնիայի տակ: Որքան չեմ ցանկանում Թուրքիայի անդամակցությունը ԵՄ-ին, այդքան ցանկանում եմ, որ Ռուսաստանը մոտ լինի դրան: Այդ դեպքում ձեզ համար էլ նպաստավոր իրավիճակ կլինի։ Եղե՛ք խաղաղության մարդ: ՆՈԲԵԼՅԱՆ ԱՌԱՋԻՆ ՀԱՅ ՄՐՑԱՆԱԿԱԿԻՐԸ ԴԱՐՁԵՔ, նա, ով այդքա՜ն տառապանքներից հետո հայերին կկոչի խաղաղության, – Սարկոզի։

– Ես արդեն քսան տարի խոսում եմ խաղաղության մասին, պարո՛ն նախագահ: Նույնիսկ Ազգային ժողովի ամբիոնից եմ հայտարարել, որ ԼՂԻՄ-ից դուրս գտնվող տարածքները հայկական չեն, ու դրանք իմ հայրենիքը չեմ համարում։ Ու պատրաստ եմ ինձ վրա վերցնել պատմական այդ առաքելությունը՝ լուծելու իմ ժողովրդի համար կենսական այդ հարցերը։ Սակայն ես չեմ կարող դա անել Ղարաբաղն Ադրբեջանի կազմում թողնելու գնով: Ես ամեն ինչ շատ լավ հասկանում եմ, պարո՛ն նախագահ, և պատրաստ եմ ցանկացած գին վճարել, – Սարգսյան։

– Եթե Դուք հանդես եք գալիս նոր նախաձեռնությամբ ու առաջ եք գնում, ապա հաջողություն կունենաք: Իհարկե, կեսը կասի՝ Դուք ճիշտ եք, մյուս կեսը կասի, որ սխալ եք։ Բայց Դուք հաջողություն կունենաք: Անշուշտ, այդ ճանապարհը վտանգավոր է, սակայն նաև շատ խոստումնալից: ԵԹԵ ԴՈՒՔ ՈՒՆԵՆԱՔ ԽԱՂԱՂՈՒԹՅԱՆ ՆՈԲԵԼՅԱՆ ՄՐՑԱՆԱԿ, ԱՊԱ ՑՄԱՀ ԱՆՁԵՌՆՄԽԵԼԻ ԿԼԻՆԵՔ, – Սարկոզի։

– Օգնե՛ք Ադրբեջանի հետ կնքել ուժի չկիրառման համաձայնագիր և ստիպե՛ք Ադրբեջանին ստորագրել, որ ճանաչում է Լեռնային Ղարաբաղի ժողովրդի ինքնորոշման իրավունքը, և ես պատրաստ կլինեմ հայտարարել, որ Լեռնային Ղարաբաղը տարածքների մինչև վերջին միլիմետրը, որոնք գտնվում են ԼՂԻՄ-ի սահմաններից դուրս, կվերադարձնի Ադրբեջանին,– Սարգսյան»։