Ներընդդիմադիր «դիսկուրսին» եմ հետևում ու ապշում. պարզվում է Երկրորդ Նախագահի կողմնակիցները մեղադրում են Երրորդ Նախագահի կողմնակիցներին Հովիկ Աղազարյանի ու էն մյուսի՝ իմպիչմենտի ենթադրյալ նախաձեռնությանը ուշ միանալու համար։ Այս մասին գրել է ֆեյսբուքյան իր էջում գրել է Հրանտ Մելիք-Շահնազարյանը։

«Ասում են՝ Միքայել Սրբազանը հրաժարվեց, նոր դուք ասեցիք, որ պատրաստ եք միանալ։ Ու այդ մեղադրողներին չի հուզում այն փաստերը, որ.

- «Պատիվ Ունեմ» խմբակցությունը դեռ հունիսի 7-ից է սպասում «Հայաստան»-ի գործընկերներին, որպեսզի միանան իմպիչմենտի իրենց նախաձեռնությանը։ Հիմա պարզվում է՝ երեք շաբաթ ոչինչ չարած ֆրակցիան ակնկալում էր, որ մյուսը կես ժամում մի կողմ դներ իր նախաձեռնությունը և միանար նոր «նախաձեռնությանը»։

- Միքայել Սրբազանի՝ վարչապետի թեկնածուի լինելու առաջարկից հրաժարվելու ու հանրապետականների՝ «նախաձեռնությանը» միանալու պատրաստակամության մասին երկու հայտարարություններ գրեթե միաժամանակ են տարածվել։ Կոնկրետ ես մի քանի րոպե տարբերությամբ եմ տեսել։ Բայց նաև տեղյակ եմ, որ «Հայաստան» դաշինքի շատ ներկայացուցիչներ նախապես գիտեին, թե ինչ է լինելու «ՊՈՒ» պատասխանը՚

- Միքայել Սրբազանի թեկնածությամբ իմպիչմենտի գործընթացը նախօրեին չէր էլ մեկնարկել։ Դրա համար անհրաժեշտ հիմնավորումը փաստաթղթի տեսք չուներ, ձևաթղթի տակ չկային Հովիկ Աղազարյանի ու էն մյուսի ստորագրությունները։ Ինչի՞ տակ պետք է ստորագրեին «ՊՈՒ» պատգամավորները։ Ինչի՞ տակ են ստորագրել «Հայաստան»-ի պատգամավորները։

Էլ չեմ խոսում այն մասին, որ իմպիչմենտի գործընթացն ամիսներով առկախած ուժը, ով ինչ ուզում է թող ասի, բայց իմ խորին համոզմամբ ընդդիմադիր դաշտում իրապես մեծ աշխատանք տարած ուժը երեկ փաստորեն դարձավ Էդմոն Մարուքյանի, Հովիկ Աղազարյանի ու էն մյուսի կցորդ…

Ու այդքանից հետո որևէ մեկի լեզուն պտտվում է Երրորդ Նախագահի թիմակիցներին «փրփուրներից կախվելու» մեջ մեղադրե՞լ։ Ամոթ չի բա սա։

ՀՀ Երկրորդ Նախագահ Ռոբերտ Քոչարյանի թիմակիցների շարքերում շատ ընկերներ ունեմ։ Գիտեմ՝ գրածս կկարդան ու շատ հուսով եմ, որ ինձ ճիշտ կհասկանան։ Իսկապես հուսով եմ։ Ընկերներ, խնդրում եմ՝ ամեն ինչ արեք, էս հիմար դիսկուրսի վերջը թող տրվի։ Եթե իսկապես համոզված եք, որ Միքայել Սրբազանը վարչապետի լավ թեկնածու է, փորձեք համոզել նրան, թող մտնի այդ բեռի տակ։ Վստահ եմ՝ «ՊՈՒ»-ն ետ չի կանգնի և, անպայման կստորագրի նրա թեկնածության համար։ Բայց եթե դա հնարավոր չէ, ուրեմն խնդրում եմ՝ մի կողմ թողեք ներքին անհամաձայնություններն ու միացեք արդեն իսկ մեկնարկած իմպիչմենտի գործընթացին։ Սա շատ արագ է պետք անել։ Ժամանակ չկա։ Հերթով բոլորին տանելու են։ Ավիրելու։ Ոչինչ չի մնալու։ Ոչինչ…

Եկեք ավելի բաց խոսեմ (հուսով եմ՝ կներեք, որ հանրային եմ դիմում)։ Ես էլ, դուք էլ, Սերժ Սարգսյանի թիմակիցներն էլ ու նույնիսկ Դավիթ Համբարձումյանն էլ գիտենք, որ լավ օրից չէ, որ այսօր հենց Մասիսի քաղաքապետն է դարձել վարչապետի թեկնածու։ Այո, նա քաղաքական դեմք չէ (համենայն դեպս հանրային ընկալումներում)։ Բայց՝ ես էլ, դուք էլ ու Դավիթ Համբարձումյանն էլ լավ գիտենք, որ իր առջև դրված խնդիրը միայն մեկն է՝ նիկոլի հեռացումը։ Նա պինդ տղա է, նահանջող չէ, նվիրյալ է, համագործակցող ու նաև շատերիդ ընկերն է։ Մեր երկիրը միայն կշահի, եթե մի որոշ ժամանակ բոլորը կողմ դնեն կուսակցական ու թիմային պատկանելությունը, միասին խաղի կանոններ որոշեն, իրար հետ պայմանավորվեն ու առաջ գնան։ Սա հիմա է պետք անել։ Հետո արդեն ասացի, թե ինչ կլինի։ Ձեր չպայմանավորվելը, սկզբից հենց ձեզ/մեզ կկործանի, հետո երկիրը։ Ընդ որում՝ ժամանակի նույն կարճ տարբերությամբ, ինչ երեկ Սրբազանի ու «Պատիվ Ունեմ»-ի հայտարարությունների հրապարակումն էր։

Կրկին ներողություն հանրային դիմելու համար»,- գրել է նա։

Facebook-ը արգելափակել է Վեհափառ Հայրապետի ու Սրբազան Հայրերի մասին Նիկոլ Փաշինյանի ոչ կոռեկտ գրառումը։

Թերեւս սա է պատճառը, որ Փաշինյանը որոշել է անցնել քաղաքակիրթ բառապաշարի։ 

Նշենք, որ Փաշինյանի հայհոյախառն գրառումն անհասանելի է։

Չինաստանը պատրաստ է աշխատել Հայաստանի հետ՝ բարեկամությունը ժառանգելու, փոխադարձ վստահությունն ամրապնդելու, համագործակցությունը խորացնելու, երկու երկրների զարգացմանն ու վերածննդին նպաստելու և երկու երկրների ժողովուրդների համար ավելի շատ օգուտներ ստեղծելու համար։ 

«Արմենպրես»-ի հաղորդմամբ՝ այս մասին նշված է Հայաստանում Չինաստանի դեսպանության տարածած հաղորդագրության մեջ, որտեղ ներկայացված են ԱԳ նախարարներ Արարատ Միրզոյանի և Վան Յիի միջև հանդիպման մանրամասները։

Ընդգծվում է, որ հանդիպման ընթացքում Վան Յին նշել է` Չինաստանն ու Հայաստանն ունեն հին քաղաքակրթություններ, Չինաստան-Ասիա հարաբերությունները երկար պատմություն ունեն, իսկ հին Մետաքսի ճանապարհը վկայում է երկու ժողովուրդների միջև ավանդական բարեկամության մասին։ 

«Երկու երկրները միշտ հարգել և վստահել են միմյանց՝ պահպանելով երկկողմ համագործակցության զարգացման թափը։ Չինաստանը պատրաստ է աշխատել Հայաստանի հետ՝ բարեկամությունը ժառանգելու, փոխադարձ վստահությունն ամրապնդելու, համագործակցությունը խորացնելու, երկու երկրների զարգացմանն ու վերածննդին նպաստելու և երկու երկրների ժողովուրդների համար ավելի շատ օգուտներ ստեղծելու համար: Աշխարհը գտնվում է գլոբալացման դարաշրջանում, «գլոբալ Հարավը» համատեղ բարձրանում է, ճամբարային առճակատումը լիովին հնացած է, և միջազգային լանդշաֆտն, ի վերջո, կանցնի բազմաբևեռացման»,-ասված է հաղորդագրության մեջ։

Դեսպանության փոխանցմամբ՝ Վան Յին ասել է, որ Չինաստանը հետապնդում է գործընկերության, այլ ոչ թե դաշինքի, երկխոսության, այլ ոչ թե առճակատման արտաքին քաղաքականության.

«Չինաստանը միշտ հանձնառու է եղել միջազգային հարաբերությունների ժողովրդավարացմանը նպաստելուն, դեմ է եղել աշխարհի՝ «ջունգլիների» օրենքին վերադառնալուն: Չինաստանը ցանկանում է համագործակցել բոլոր, այդ թվում՝ ասիական երկրների հետ՝ իրական բազմակողմանիություն իրականացնելու, ՄԱԿ-ի հիմքում ընկած միջազգային համակարգը և միջազգային իրավունքի վրա հիմնված միջազգային կարգը համատեղ պաշտպանելու, նախագահ Սի Ծինփինի կողմից առաջարկված երեք հիմնական գլոբալ նախաձեռնությունների իրականացմանը նպաստելու և մարդկության համար ընդհանուր ապագա ունեցող համայնք կառուցելու համար: Պեկինն, ինչպես միշտ, կաջակցի ասիական երկրներին ազգային ինքնիշխանությունն ու անկախությունը պաշտպանելու ու ժողովրդի կողմից աջակցվող և նրա ազգային պայմաններին համապատասխանող ուղու վրա կանգնելու հարցում: Պեկինը գնահատում է Ասիայի հավատարմությունը «մեկ Չինաստանի» սկզբունքին և Չինաստանի հիմնական շահերին վերաբերող հարցերում չինական դիրքորոշմանը նրա անսասան աջակցությունը»,-նշել է դեսպանությունը:

Հայաստանի Հանրապետության ԱԳ նախարար Արարատ Միրզոյանն, իր հերթին, բարձր է գնահատել նախագահ Սի Ծինփինի կողմից առաջարկված երեք խոշոր գլոբալ նախաձեռնությունները, ընդգծել Չինաստանի պատմական քաղաքակրթությունը և ժամանակակից զարգացման նվաճումներն, ու նշել, որ Հայաստանը կշարունակի հետապնդել «մեկ Չինաստան» սկզբունքի քաղաքականությունը, աջակցել Չինաստանին իր հիմնական շահերի պաշտպանության գործում և պատրաստ է խորացնել համագործակցությունը Չինաստանի հետ տարբեր ոլորտներում, ինչպիսիք են կապը, տնտեսությունն ու առևտուրը, ընդլայնել ժողովուրդների միջև բարեկամական փոխանակումները և փոխըմբռնումը, ամրապնդել միջազգային և տարածաշրջանային հարցերում համակարգումը, հաստատել ավելի կայուն, բարեկամական և ռազմավարական գործընկերություն և նպաստել երկկողմ հարաբերությունների ավելի մեծ զարգացմանը։

Չինաստանի դեսպանության փոխանցմամբ՝ հանդիպման ընթացքում կողմերը նաև մտքեր են փոխանակել Շանհայի համագործակցության կազմակերպության շրջանակներում համագործակցության խորացման և Իսրայել-Իրան հակամարտության վերաբերյալ։

Չինաստանի կոմկուսի կենտկոմի քաղբյուրոյի անդամ և արտաքին գործերի նախարար Վան Յիի հրավերով՝ ՀՀ արտաքին գործերի նախարար Արարատ Միրզոյանը հունիսի 25-27-ը պաշտոնական այցով գտնվել է Չինաստանում։

Այսօր՝ հունիսի 28-ին, մեկօրյա դադարից հետո ՖԻՖԱ-ի Աշխարհի ակումբային առաջնությունում կմեկնարկի 1/8-րդ եզրափակիչ փուլը։ Այս մասին գրում է armsport.am-ը։

Ներկայացնում ենք բոլոր հանդիպումների ժամանակացույցը․

«Պալմեյրաս» (Բրազիլիա) – «Բոտաֆոգո» (Բրազիլիա)՝ հունիսի 28, ժամը 20:00

«Բենֆիկա» (Պորտուգալիա) – «Չելսի» (Անգլիա)՝ հունիսի 28, ժամը 00:00

ՊՍԺ (Ֆրանսիա) – «Ինտեր Մայամի» (ԱՄՆ)՝ հունիսի 29, ժամը 20:00

«Ֆլամենգո» (Բրազիլիա) – «Բավարիա» (Գերմանիա)՝ հունիսի 29, ժամը 00:00

«Ինտեր» (Իտալիա) – «Ֆլումինենսե» (Բրազիլիա)՝ հունիսի 30, ժամը 23:00

«Մանչեսթեր Սիթի» (Անգլիա) – «Ալ-Հիլալ» (Սաուդյան Արաբիա)՝ հուլիսի 1, ժամը 05:00

«Ռեալ Մադրիդ» (Իսպանիա) – «Յուվենտուս» (Իտալիա)՝ հուլիսի 1, ժամը 23:00

«Բորուսիա Դորտմունդ» (Գերմանիա) – «Մոնտերեյ» (Մեքսիկա)՝ հուլիսի 2, ժամը 05:00

Երեւանում այսօր ընթանում է «Կրթվելը նորաձեւ է» շարժման հերթական հանդիպումը, որը, սակայն, վերջինն է լինելու Աննա Հակոբյանի մասնակցությամբ։

Հիշեցնենք՝ Աննա Հակոբյանը մեկնում է Չինաստան սովորելու։

ԱՄՆ նախագահ Դոնալդ Թրամփը չպետք է վիրավորի Իրանի գերագույն առաջնորդ Ալի Խամենեիին: Այս մասին X-ում հայտարարել է Իրանի ԱԳ նախարար Աբբաս Արաղչին:

«Իրանցի մեծ ու հզոր ժողովուրդը, որն աշխարհին ցույց է տվել՝ իսրայելական վարչակարգը չունի այլընտրանք, քան վազել «հայրիկի մոտ»՝ մեր հրթիռներից չջախջախվելու համար, սպառնալիքներ ու վիրավորանքներ չի սիրում», - ասվում է հրապարակման մեջ:

Արաղչին սպառնացել է՝ «եթե պատրանքները հանգեցնեն ավելի վատ սխալների», ապա Իրանը «չի հապաղի բացահայտել իր իրական հնարավորությունները»:

ԱՄՆ նախագահ Դոնալդ Թրամփը հայտարարել է, որ փրկել է Իրանի գերագույն առաջնորդ Ալի Խամենեիին ամոթալի մահից։ Նրա խոսքերը մեջբերում է ՌԻԱ Նովոստին։

«Ես ճշգրիտ գիտեի, թե որտեղ է նա թաքնվում, և ես թույլ չտվեցի Իսրայելին կամ ԱՄՆ զինված ուժերին, որը, անկասկած, աշխարհի ամենամեծ և ամենահզոր ուժն է, վերջ դնել նրա կյանքին։ Ես փրկեցի նրան շատ սարսափելի և ամոթալի մահից», - ասել է ամերիկացի առաջնորդը։

Բացի այդ, Թրամփը պարզաբանել է, որ իր հրամանով Իսրայելը չեղարկել է Թեհրանի վրա խոշոր ավիահարվածը, որը կարող էր լինել այս հակամարտության «վերջնական նոկաուտը»։

Դանիել Քրեյգի հրաժարականից հետո "Ջեյմս Բոնդի" նոր դերակատարի ընտրությունը դարձել է երկրպագուների և լրատվամիջոցների քննարկման գլխավոր թեման։

Դերակատարի թեկնածուների թվում հաճախ նշվում են Աարոն Թեյլոր-Ջոնսոնը, Հենրի Քեյվիլը, Ռեջե-Ժան Փեյջը և Թոմ Հարդին։

Մինչև պաշտոնական հաստատումը, քննարկումները շարունակվում են, իսկ «Բոնդի» ֆիլմաշարի ստեղծողները խոստանում են՝ նոր Բոնդը կլինի ժամանակակից և դինամիկ կերպար։

Ադրբեջանի ԱԳՆ-ն հանդես է եկել հայտարարությամբ՝ կապված Եկատերինբուրգում ադրբեջանցիների ձերբակալման հետ։

«Խոր անհանգստություն ենք հայտնում՝ կապված հունիսի 27-ի առավոտյան Եկատերինբուրգում ադրբեջանցիների տանն իրականացված ՌԴ ԱԴԾ շուրջկալների հետ, որոնց հետեւանքով զոհվել են մեր հայրենակիցները, ոմանք ծանր մարմնական վնասվածքներ են ստացել, իսկ ինը մարդ ձերբակալվել է։

Մենք ռուսական կողմից ակնկալում ենք անհապաղ հետաքննության անցկացում եւ ամենակարճ ժամկետում բռնության այս անթույլատրելի ակտի մեղավորներին պատասխանատվության ենթարկում»,- նշել են Բաքվում։