Կառավարությունն իր այսօրվա՝ հուլիսի 3–ի նիստում  չզեկուցվող հարցերի թվում ընդունեց 2025 թվականի ընթացքում Իրանի Իսլամական Հանրապետությունից Հայաստանի Հանրապետության տարածք ներմուծվող իրանական ծագում ունեցող առանձին տեսակի ապրանքների նկատմամբ սակագնային քվոտա կիրառելու, ներմուծման լիցենզիայի տրամադրման ընթացակարգը սահմանելու, մեկանգամյա և գլխավոր լիցենզիաների ձևերը հաստատելու մասին որոշումը։

Քվոտան նախատեսվում է ընտանի թռչունների միս և սննդային ենթամթերքի, կարտոֆիլի, լոլիկի, խնձորի, կաղամբի, ծաղկակաղամբի, շաղգամակաղամբի, տերևակաղամբի, գազարի, շաղգամի, սեղանի ճակնդեղի, քոշմորուքի, արմատային նեխուրի, ամսական բողկի, վարունգների և մանրավարունգների համար։

Որոշման մեջ նշվում է, որ 2025 թ. մայիսի 15–ին ուժի մեջ է մտել «Եվրասիական տնտեսական միության ու դրա անդամ պետությունների՝ մի կողմից, և Իրանի Իսլամական Հանրապետության՝ մյուս կողմից, միջև ազատ առևտրի մասին» համաձայնագիրը, որով էլ կարգավորվում են քվոտաների տրամադրումը։

«2025 թ. ընթացքում իրանական ծագում ունեցող առանձին տեսակի ապրանքների ներմուծումը Իրանից թույլատրվում է 0 տոկոս ներմուծման մաքսատուրքի դրույքաչափի կիրառման պայմանով` լիցենզիայի առկայության դեպքում։ Նպատակը` ԵԱՏՄ որոշման պահանջների ապահովումն է, գործարար միջավայրի բարելավումը»,– ասված է որոշման հիմնավորման մեջ:

Որոշման մեջ նաև նշվում է, որ ապրանքի ներմուծման թույլատրելի ծավալը բաշխվում է ըստ պատմական և ոչ պատմական գնորդների։ Իրանի հետ առևտրային փոխհարաբերությունները համարվում են պատմական` հաշվի առնելով վերջին 3 տարվա ընթացքում Իրանից ՀՀ տարածք ներմուծված տվյալ ապրանքի միջին ծավալը։

Ըստ այդմ` Իրանից ՀՀ ներմուծված վերոնշյալ ապրանքների համար սահմանվում է քվոտա` ներմուծման թույլատրելի ընդհանուր ծավալի 75 տոկոսի չափով (ոչ պատմական գնորդների համար՝ ներմուծման թույլատրելի ընդհանուր ծավալը 25 տոկոս է):

ԱԺ-ում անկախ պատգամավոր Հովիկ Աղազարյանի ելույթից հետո թեժ վիճաբանություն սկսվեց պատգամավորների միջև:

Աղազարյանն իր ելույթում նախ նշեց, որ եթե Կոնյակի գործարանը չմասնավորեցվեր այսօր խաղողագործություն չէր լինի ՀՀ-ում, ապա անդրադառնալով ՀԷՑ-ի պետականացման գործընթացին, պատգամավորը նշեց, որ այդ քայլերով փորձ է արվում հակառուսական տրամադրությունները խորացնել ՀՀ-ում: 

«Դա արվում է նրա համար, որ մենք վաղը, մյուս օրը շրջվենք դեպի Արևմուտք, իսկ Արևմուտքը սկսվում է Թուրքիայից, իսկ Թուրքիան, որ սկսենք իրենից Արևմուտք գնալ, կասի 300 հազար փախստականներ: 300 հազար փախստականից մի չնչին մասը կգա Հայաստան և բոլորդ գիտեք, թե ինչ տեղի կունենա: Խնդրում եմ ռուսական կողմին չտրվել մեր սադրանքներին»,-ասաց նա: 

Պատգամավորի ելույթից հետո ՔՊ-ականները, մասնավորապես, Արման Եղոյանը, տեղից սկսեցին բղավել՝ ամոթ: Դահլիճում կանգնած Աղազարյանը ջրի շիշը նետեց ՔՊ–ականների ուղղությամբ ու Եղոյանին դուրս էր հրավիրում՝ հաշիվներ պարզելու։ 

Նիստը վարող Հակոբ Արշակյանը փորձում էր հանդարտեցնել վիճակը։ Մի շարք պատգմավորներ մոտեցան Հովիկ Աղազարյանին, որպեսզի կանխեն հնարավոր բացասական զարգացումը։

«Պարոն Աղազարյան, դուրս եմ հրավիրում ձեզ դահլիճից եւ արգելում եմ այս նիստին մասնակցելուց»,–ասաց Հակոբ Արշակյանը։ Երբ Աղազարյանը դուրս եկավ դահլիճից, Արշակյանը մի քանի անգամ կոչ արեց դադարեցնել խոսակցությունը դահլիճում։ 

«Պարող Եղոյան, ձեզ նախազգուշացում, խնդրում եմ՝ տեղից չբղավել։ Հասկանալի է, որ ելույթը ավելի շատ օտարերկրյա շահեր էր ներկայացնում, քան հայաստանյան։ Ինձ էլ դուր չեկավ, բայց խնդրում եմ՝ էմոցիաներին մի տրվեք»,–ասաց նա։

Ադրբեջանի արտաքին գործերի նախարարությունը հայտարարություն է տարածել՝ կապված Ռուսաստանի արտաքին գործերի նախարարության մամուլի քարտուղարի և Ռուսաստանի դեսպանատան հայտարարությունների հետ։ 

«Ռուսաստանի Դաշնության արտաքին գործերի նախարարության մամուլի քարտուղարի և Ադրբեջանում Ռուսաստանի դեսպանատան հուլիսի 2-ի հայտարարություններում տեղ գտած մեղադրանքները՝ իրավապահ մարմինների կողմից Ադրբեջանում Ռուսաստանի քաղաքացիների և նրանց ընտանիքների անդամների նկատմամբ ֆիզիկական ուժի ենթադրյալ կիրառման, ինչպես նաև այն մեղադրանքները, որ ադրբեջանական կողմը չի արձագանքել Ռուսաստանի պաշտոնական հարցումներին՝ կապված ձերբակալված Ռուսաստանի քաղաքացիներին հյուպատոսական աջակցություն ցուցաբերելու հետ, անհիմն են»։ 

Հանրությանը ներկայացվել է ադրբեջանական կողմի պաշտոնական դիրքորոշումը ձերբակալված և կալանավորված խմբավորումների, ինչպես նաև երկրում անօրինական գործունեություն ծավալող «Սպուտնիկ Ադրբեջանի» մասնաճյուղում աշխատող Ռուսաստանի քաղաքացիների վերաբերյալ։ 

Հյուպատոսական աջակցության հարցի վերաբերյալ, հունիսի 30-ին և հուլիսի 1-ին Ադրբեջանի Հանրապետության արտաքին գործերի նախարարության կողմից ստացված ռուսական կողմից ուղարկված հարցումները անմիջապես փոխանցվել են համապատասխան պետական մարմնին։ 

Ինչ վերաբերում է հյուպատոսական աջակցության հարցին՝ ապա Ռուսաստանի կողմից 2024 թվականի հունիսի 30-ին և հուլիսի 1-ին Ադրբեջանի Հանրապետության Արտաքին գործերի նախարարություն ուղարկված դիմումները անմիջապես փոխանցվել են համապատասխան պետական մարմնին։ 

Ձերբակալված անձանց ինքնության վերաբերյալ տեղեկատվությունը, ինչպես նաև քննչական գործընթացը իրականացնող լիազոր մարմնի մասին տվյալները ռուսական կողմին տրամադրվել են Ադրբեջանի և Ռուսաստանի Դաշնության միջև կնքված Հյուպատոսական կոնվենցիայի 39-րդ հոդվածի 1-ին կետի հիման վրա։ Ընդհանուր առմամբ, կոնվենցիային համապատասխան նման հարցումների քննարկման ժամկետները հայտնի են ռուսական կողմին։ 

Հարկ է նշել, որ ադրբեջանական կողմը երբեք հրապարակայնորեն չի հանրայնացրել կամ քաղաքականացրել այն փաստը, որ Ռուսաստանի տարբեր քաղաքներում կալանավորված Ադրբեջանի քաղաքացիների հետ հյուպատոսական հանդիպումներ կազմակերպելու բազմիցս խնդրանքներին ի պատասխան՝ ռուսական կողմի պատասխանները շաբաթներով հետաձգվել են։ 

Հաշվի առնելով վերը նշվածը՝ մենք կոչ ենք անում ռուսական կողմին զերծ մնալ իրավիճակն արհեստականորեն սրող քայլերից և հայտարարություններից», - նշել է Ադրբեջանի արտաքին գործերի նախարարությունը։

Այլմոլորակային կյանքի որոնումը գիտության ամենահետաքրքիր և վիճահարույց թեմաներից մեկն է: K2-18 b էկզոմոլորակի վրա կյանքի մասին «ամենաուժեղ ապացույցների» մասին գիտնականների վերջին հայտարարությունները մեծ հետաքրքրություն են առաջացրել հանրության շրջանում, սակայն գիտական հանրությունը մնում է զուսպ: Ինչու՞ դիմեթիլսուլֆիդ (DMS) և դիմեթիլդիսուլֆիդ (DMDS) գազերի նման կյանքի նշանների հայտնաբերումը չի հայտարարվում դարի բացահայտում: Արդյո՞ք աստղակենսաբանությունը պահանջում է ավելի խիստ ապացույցներ, քան մյուս գիտությունները: Պարզում ենք, թե ինչպես է կազմակերպված այլմոլորակային կյանքի հաստատման գործընթացը և ինչու է գիտնականների զգուշավորությունը արդարացված: 

K2-18 b. կյանքի հույս

2023 թվականին Ջեյմս Ուեբի տիեզերական աստղադիտակի (JWST) տվյալները վերլուծող գիտնականները հայտնել են, որ Երկրից 120 լուսային տարի հեռավորության վրա գտնվող K2-18 b էկզոմոլորակի մթնոլորտում հայտնաբերվել են մեթան, ածխաթթու գազ և, ամենահետաքրքիրը, DMS և DMDS: Երկրի վրա այս միացությունները արտադրվում են բացառապես կենդանի օրգանիզմների կողմից, ինչը նրանց դարձնում է պոտենցիալ կենսանշիչներ: Հետազոտողները գնահատել են, որ այդ գազերի պատահական հայտնաբերման հավանականությունը 99.4% է, իսկ կրկնակի դիտարկումները կարող են հասնել գիտության «ոսկե ստանդարտին»՝ հինգ սիգմա մակարդակին (սխալի հավանականություն՝ մեկը միլիոնի դիմաց): 

Այնուամենայնիվ, գիտական հանրությունը չի շտապում հայտարարել կյանքի հայտնաբերման մասին: Պատճառը հայտնաբերման (ազդանշանի գրանցում) և վերագրումի (դրա ծագման ապացույց) միջև տարբերությունն է: JWST-ն ուղղակիորեն չի «տեսնում» մոլեկուլները, այլ վերլուծում է մոլորակի մթնոլորտով անցնող լույսի սպեկտրները: Այդ սպեկտրները մեկնաբանվում են բարդ մոդելների միջոցով, որոնք ենթադրում են, որ մենք հասկանում ենք հեռավոր մոլորակի քիմիան և պայմանները: Սակայն DMS/DMDS-ին վերաբերող սպեկտրը կարող է առաջանալ անհայտ մոլեկուլի կամ ոչ կենսաբանական գործընթացների հետևանքով, ինչը պահանջում է լրացուցիչ ստուգումներ: 

Պատմական օրինակներ. Նյուտոնից մինչև կլիմայի փոփոխություն

Աստղակենսաբանության մեջ սկեպտիցիզմը եզակի չէ: Գիտության պատմությունը լի է օրինակներով, երբ հեղափոխական գաղափարները դիմադրության են հանդիպել, մինչև չեն հաստատվել անհերքելի ապացույցներով. 

• Նյուտոնի օրենքներ. XVII դարում առաջարկված շարժման և ձգողության տեսությունները ընդունվել են միայն տասնամյակներ անց՝ բազմաթիվ փորձերի արդյունքում:
• Վեգեների ափսեների տեկտոնիկա. 1912 թվականին առաջարկված մայրցամաքների դրեյֆի գաղափարը ընդունվել է միայն 1960-ականներին՝ ծովի հատակի մասին տվյալների շնորհիվ:
• Անթրոպոգեն կլիմայի փոփոխություն. CO₂-ի և ջերմաստիճանի միջև կապը, որն առաջին անգամ նկարագրել է Սվանտե Արենիուսը 1927 թվականին, հաստատվել է միայն XX դարի վերջում՝ ածխածնի իզոտոպների (ածխածին-14) չափումների շնորհիվ, որոնք ապացուցել են, որ CO₂-ի աճը կապված է հանածո վառելիքի հետ:

Կլիմայի ուսումնասիրությունները հիմնվում էին ուղղակի չափումների (ջերմաստիճան, մթնոլորտի կազմ) և լաբորատոր փորձարկումների վրա: Աստղակենսաբանությունում նման հնարավորություններ չկան. K2-18 b-ի մասին տվյալները հավաքվում են մեկ գործիքով (JWST)՝ 120 լուսային տարի հեռավորությունից, առանց նմուշների և տեղային դիտարկումների: Սա վերագրումը դարձնում է ավելի բարդ, իսկ համակարգային սխալները՝ ավելի հավանական: 

Ինչու՞ է աստղակենսաբանությունն այդքան զգույշ

Աստղակենսաբանությունը չի պահանջում ավելի խիստ ապացույցներ, քան մյուս գիտությունները, բայց բախվում է եզակի սահմանափակումների.

• Ուղղակի տվյալների բացակայություն. Գիտնականները հենվում են սպեկտրոսկոպիայի վրա, որը կախված է հեռավոր մոլորակների քիմիայի մասին մոդելներից և ենթադրություններից:
• Վերագրումի բարդություն. Կենսանշիչները, ինչպիսին DMS-ն է, կարող են ունենալ ոչ կենսաբանական ծագում: Օրինակ, Վեներայի մթնոլորտում ֆոսֆինը (2020) և Մարսի վրա «ընձառյուծի բծերը» (2024) սկզբում համարվում էին կյանքի նշաններ, բայց հետագայում բացատրվեցին աբիոտիկ գործընթացներով:
• Բացահայտման մասշտաբ. Այլմոլորակային կյանքի հաստատումը կդառնար դարակազմիկ իրադարձություն, որը պահանջում է բացառիկ վստահություն՝ կեղծ հայտարարություններից խուսափելու համար:

Ի տարբերություն կլիմայագիտության, որտեղ բազմաթիվ տվյալների աղբյուրներ (իզոտոպներ, սառցե միջուկներ, եղանակային կայաններ) հաստատում են եզրակացությունները, աստղակենսաբանությունը հենվում է սահմանափակ դիտարկումների վրա, ինչը ուժեղացնում է սկեպտիցիզմը: 

Առաջընթաց առանց սենսացիաների

Չնայած զգուշավորությանը, աստղակենսաբանությունն առաջ է ընթանում: Յուրաքանչյուր նոր սպեկտր, ինչպես K2-18 b-ի դեպքում, ավելացնում է գիտելիքներ էկզոմոլորակների մթնոլորտի կազմի մասին: Նախկինում հայտնաբերված կենսանշիչները, ինչպիսիք են Վեներայի ֆոսֆինը կամ Մարսի մեթանը, չեն հաստատել կյանքի առկայությունը, բայց կատարելագործել են մթնոլորտային գործընթացների մոդելները: X-ի օգտատերերը քննարկում են, որ նման բացահայտումները, նույնիսկ եթե չեն ապացուցում կյանքը, մեզ ավելի են մոտեցնում այն պայմանների հասկացմանը, որտեղ կյանքը հնարավոր է: 

Ապագա առաքելությունները, ինչպիսին է Նենսի Գրեյս Ռոմանի աստղադիտակը (գործարկումը՝ 2027 թվականին), և սպեկտրոսկոպիայի կատարելագործված մեթոդները կօգնեն հավաքել ավելի շատ տվյալներ: Օրինակ, օվկիանոսների կամ բուսականության արտացոլումների վերլուծությունը էկզոմոլորակների վրա կարող է դառնալ կյանքի որոնման նոր քայլ: 

Եզրակացություն

Այլմոլորակային կյանքի որոնումը չի պահանջում ավելի խիստ ապացույցներ, քան մյուս գիտությունները, բայց սահմանափակված է հսկայական հեռավորությունների վրա դիտարկումների բարդությամբ: K2-18 b-ի վրա DMS և DMDS-ի հայտնաբերումը կարևոր, բայց դեռևս վերջնական քայլ չէ: Ինչպես կլիմայի ուսումնասիրությունների դեպքում, աստղակենսաբանությունը պահանջում է բազմակի ստուգումներ և անկախ տվյալներ վերագրումի համար: Գիտնականների զգուշավորությունը անվստահության նշան չէ, այլ երաշխիք, որ երբ տիեզերքում կյանքը հայտնաբերվի, այդ բացահայտումը կլինի անհերքելի: Այս որոնման յուրաքանչյուր նոր քայլ մեզ ավելի է մոտեցնում այն հարցի պատասխանին՝ մենակ ե՞նք մենք տիեզերքում:

Ադրբեջանում ձերբակալված ռուս քաղաքացիների համար հյուպատոսական մուտքը դեռևս չի ապահովվել, հայտարարել է Ռուսաստանի արտաքին գործերի նախարարության մամուլի խոսնակ Մարիա Զախարովան, հաղորդում է ՌԻԱ Նովոստին։

«Ես հենց նոր խոսեցի մեր դեսպանի հետ։ Նա ասաց, որ, ցավոք, հյուպատոսական մուտքը դեռևս չի ապահովվել ձերբակալվածներին, իսկ հիմա, ինչպես արդեն լսել ենք, ձերբակալվածներին։ Մենք ենթադրում ենք, որ այն կապահովվի, պետք է ապահովվի։ Մեր դիվանագետներն աշխատում են Բաքվում, մենք այստեղ աշխատում ենք մեր ադրբեջանցի գործընկերների հետ Սմոլենսկայա հրապարակ - Ադրբեջանի դեսպանատուն գծի երկայնքով», - ասել է նա «Սոլովյով Լայվ»-ի եթերում։

29-ամյա երգչուհի Դուա Լիպան վայելում է արևը և սիրավեպը Իտալիայում իր փեսացուի՝ 35-ամյա դերասան Քալում Թըրների հետ։ Զույգն իրենց արձակուրդն անցկացնում է գեղատեսիլ Ամալֆիի ափին և չի ամաչում հրապարակայնորեն ցուցադրել իրենց զգացմունքները։ 

Չորեքշաբթի Դուան Instagram-ում հրապարակել է տաք լուսանկարներ, որոնցում նա կեցվածք է ընդունել սև-սպիտակ բիկինիով՝ ժանյակավոր զարդանախշերով։

Այլ լուսանկարներում երգչուհին ներկայացրել է Քալումի հետ հուզիչ պահերը. սելֆիում նա գրկել է սիրելիին ուսերից։ Մեկ այլ լուսանկարում Դուան ցույց է տվել Քալումին ափի տպավորիչ տեսարանի ֆոնին, ինչպես նաև ուղղաթիռի պատուհանից լուսանկարը՝ նրանց շքեղ էքսկուրսիայի ժամանակ։ 

Լուսանկարներից մեկում արտիստուհին պատկերված է նեղ փողոցներով զբոսանքի ժամանակ. նա հագել է կարճ կանաչ մարզաշապիկ, ջինսե տաբատ և բեյսբոլի գլխարկ, որոնք ընդգծում են նրա առօրյա ոճը։

Մինչ բոլորս մտահոգված ենք եկեղեցու վրա սկսված ապազգային հարձակմամբ և բռնապետության հաստատման դեմ պայքարով՝ ակտիվ գործընթացներ են տեղի ունենում արտաքին ուղղությամբ, որոնք արագացել են ՀՀ դե-ֆակտո կառավարիչի Ստամբուլ այցից հետո։ Այս մասին թելեգրամյան իր ալիքում գրել է  թյուրքագետ Վարուժան Գեղամյանը:

«Նախ փաշինյանը մեր անունից Ստամբուլում փաստացի հայտարարում է, որ Թուրանի ճանապարհը (ավելի հայտնի «Զանգեզուրի միջանցք» անունով), խնդիր չէ։

Վերջին օրերին թուրք-ադրբեջանական տարբեր տեղեկատվական հարթակներ նշում են, որ «միջանցքի» հարցում Թուրքիա-Հայաստան-Ադրբեջան համաձայնություն է ձեռքբերվել՝ հղում անելով տարբեր անանուն աղբյուրների։ Խոսք է գնում նաև Հայաստանից ռուսական ռազմաբազայի դուրսբերման մասին։

Երեկ մի շարք աղբյուրներ նշում են, որ ԱՄԷ միջնորդությամբ հուլիսի երկրորդ կեսին Դուբայում տեղի է ունենալու Ալիև-փաշինյան հանդիպում, որտեղ պետք է քննարկվի «խաղաղության պայմանագիր» անունով մի թուղթ։ Ակնհայտ է, որ հանդիպման օրակարգում լինելու է «միջանցքը»։

Նույնպես երեկ որոշ դիվանագիտական աղբյուրներ հայտնեցին, որ Հայաստանի ու Ադրբեջանի միջև քննարկվում է «միջանցքի» բացման ամերիկյան տարբերակը՝ առանց Հայաստանի վերահսկողության ճանապարհ, որը կհսկեն ամերիկյան ընկերության ներկայացուցիչները։

Այս ամենը տեղի է ունենում Իրանի ու Ռուսաստանի հետ Բաքվի հարաբերությունների լարմանը համընթաց։ Միաժամանակ Ադրբեջանում նորից ակտիվորեն խոսում են Ադրբեջանում Թուրքիայի ռազմաբազա հիմնելու մասին։

Հասկանո՞ւմ եք, չէ՞, ինչ է կատարվում։

Հարավային Կովկասում ռուսական ու իրանական ազդեցության վերացում, դրա փոխարինում թուրքականով, որը ձեռնտու է Արևմուտքին, Թուրքիային։ Իսկ թե ինչ կլինի թուրքական վերահսկողության տակ մնացած Հայաստանին, որևէ մեկին չի մտահոգում։

Պարզվում է՝ նույնիսկ մեզ էլ»,-գրել է Գեղամյանը։

Սպասենք Կաթողիկոսին էլ կալանավորե՞ն, թե՞ Սահմանադրություն փոխեն։ Իսկ միգուցե սպասենք ՀԱՊԿ-ից Հայաստանի դուրս գալուն, ռուսական զորքերը երկրից հանելուն, «խաղաղության պայմանագրի» ստորագրելուն։

Գրել է քաղաքագետ Հրանտ Մելիք-Շահնազարյանը։

«Արդեն քանի օր է Բագրատ Սրբազանը կալանավորված է։ Արդեն քանի օր է կալանավորված է նաև Միքայել Սրբազանը… Սա դառնում է նոր նորմալություն։ Իշխանությունները մի քանի օր կսպասեն մինչ այդ միտքը լավ մարսվի հանրության կողմից, հետո կգնան հաջորդ արքեպիսկոպոսի ետևից։ Հնարավոր է՝ միանգամից Կաթողիկոսի։ Ու մարդիկ դա էլ կմարսեն։

Իհարկե, կլինեն դժգոհություններ։ Հնարավոր է՝ Հովիկ Աղազարյանն ու էն մյուսը առաջարկեն հիմա էլ Վեհափառի թեկնածությամբ իմպիչմենթի գործընթաց սկսել։ ԱԺ «Հայաստան» խմբակցությունը, իհարկե, շատ արագ կմիանա այդ առաջարկին ու երկու րոպե անց կսկսի մեղադրել «Պատիվ Ունեմ» խմբակցությանը, թե նույնը չեն անում… Մի խոսքով՝ սցենարը պարզ է, մանրամասն շարադրելու կարիք չկա։

Բայց ի՞նչ կունենանք վերջնարդյունքում։ Հիասթափված, կոտրված ու աշխարհով մեկ խայտառակ եղած ժողովուրդ։ Եվ ոչ միայն… Կրկին՝ չթվարկեմ. բոլորն ինձնից լավ են հասկանում, թե ինչ կունենանք և ինչ այլևս չենք ունենա։

Ու ահա այս «ուրախ» հեռանկարների լույսի ներքո հարց ունեմ «Հայաստան» խմբակցությանը։ Հարգելիներս, ի՞նչ վիճակում է Միքայել Սրբազանին վարչապետի թեկնածու դարձնելու գործընթացը։ Ստացվու՞մ է համոզել, թե՞ ոչ։ Նորություն կա՞։

Լավ, Միքայել Սրբազանը չի ուզում, Դավիթ Համբարձումյանըլ «լավը չէ», բա հետո՞։ Սպասենք Կաթողիկոսին էլ կալանավորե՞ն, թե՞ Սահմանադրություն փոխեն։ Իսկ միգուցե սպասենք ՀԱՊԿ-ից Հայաստանի դուրս գալուն, ռուսական զորքերը երկրից հանելուն, «խաղաղության պայմանագրի» ստորագրելուն… Ինչի՞ն սպասենք, ասացեք խնդրում եմ»։

Մոսկվա-Երևան չվերթի ինքնաթիռը 2.5 ժամ տևած թռիչքից հետո վերադարձել է Վնուկովո: Այս մասին հայտնում են լրատվամիջոցները:

Ավելի ուշ ավիաընկերության աշխատակիցը հայտնել է, որ ինքնաթիռի հետ կապված խնդիրներ կան, և այն պետք է վառելիքը սպառեր մեկնման օդանավակայանում վայրէջք կատարելու համար։ Այժմ ուղևորները սպասում են կրկնակի չվերթի։

Արտահերթ ընտրություններ միանշանակ պետք է տեղի ունենան։ Բայց Ամենայն Հայոց Կաթողիկոսի արտահերթ ընտրություններ։ Այս մասին այսօր՝ հուլիսի 3–ին Facebook-ի իր էջում գրել է Նիկոլ Փաշինյանը։

Նշենք, որ այս պահին կալանավորված են ու ԱԱԾ մեկուսարանում պահվում են Տավուշի թեմի նախկին առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը։

Գրեթե ամենօրյա ռեժիմով Փաշինյանը սպառնալից գրառումներ է անում և պնդում, որ Ամենայն հայոց կաթողիկոսը պետք է հեռանա Վեհարանից։