Եկատերինբուրգում ձերբակալվել է «Ադրբեջան-Ուրալ» կազմակերպության ղեկավար Շահին Շիխլինսկին: Շիխլինսկու մեքենան կանգնեցվել է «Բաքու Պլազա» առևտրի կենտրոնի մոտ. անվտանգության ուժերը կոտրել են ապակիները և տղամարդուն դուրս քաշել մեքենայից: Շիխլինսկին ձերբակալվել է որդու հետ միասին, բայց ավելի ուշ ազատ է արձակվել։

Շիխլինսկին հարցաքննվել է մի քանի օր առաջ Եկատերինբուրգում անվտանգության ուժերի կողմից անցկացված խուզարկության ժամանակ։

Տեղական լրատվամիջոցների տվյալներով՝ Ադրբեջանի ծագումով անձը նախկինում համարվում էր հնարավոր «շահառու» վաճառական Յունիս Փաշաևի սպանության գործում, ով 2001 թվականին փողոցում դանակահարվել էր։ 

Նշենք, որ այսօր ավելի վաղ Վորոնեժում ձերբակալվել է ադրբեջանցի գործարար և Ալեքսեևսկի շուկայի համասեփականատեր Յուսիֆ Խալիլովը: 

Դանիացի կանայք այժմ 18 տարեկանը լրանալուց հետո կարող են զորակոչվել 11 ամսվա զինվորական ծառայության՝ օրենքում կատարված փոփոխությունից հետո, որն արդեն ուժի մեջ է մտել։ Այս մասին հաղորդում է BBC-ն։ 

Դանիայի խորհրդարանի կողմից ընդունված նոր կանոնների համաձայն՝ կանայք պետք է վիճակահանությամբ միանան տղաներին և որոշակի ժամանակով ծառայության անցնեն։

Մինչ օրս կանանց թույլատրվում էր զինվորական ծառայության անցնել 18 տարեկանը լրանալուց հետո, բայց կամավոր հիմունքներով։ Հուլիսի 1-ից սկսած՝ 18 տարեկանը լրացած և՛ տղամարդիկ, և՛ կանայք պարտավոր կլինեն գրանցվել, որպեսզի գնահատվեն հնարավոր զինվորական ծառայության համար։ Նախ կհավաքագրվեն կամավորները, իսկ մնացած թիվը կհամալրվի վիճակահանության համակարգի միջոցով։

Փոփոխությունը նաև նախատեսում է զորակոչի ժամկետը չորս ամսից հասցնել 11 ամսի։

2024 թվականին մոտ 4700 դանիացի տղամարդիկ և կանայք կարճաժամկետ զինվորական ծառայություն են անցել, որոնցից մոտ 24%-ը կին կամավորներ են եղել։ Զորակոչի վերաբերյալ նոր կանոններով՝ կանխատեսվում է, որ տարեկան զինվորական ծառայություն անցնողների ընդհանուր թիվը կհասնի 6500-ի մինչև 2033 թվականը։

Դանիան հետևում է հարևան Շվեդիայի և Նորվեգիայի օրինակին, որոնք վերջին տարիներին ներդրել են կանանց զորակոչը։ Դանիայի բանակում այժմ ծառայում է պրոֆեսիոնալ անձնակազմի շուրջ 9000 անդամ։

Իսրայելի հարձակումների հետևանքով Իրանում զոհերի թիվը հասել է 950-ի, մոտ 5000 մարդ վիրավորվել է: Ինչպես տեղեկանում է ՏԱՍՍ գործակալությունից, այդ մասին հայտնել է Իրանի Կարմիր մահիկի ընկերությունը։ 

«Մեր 950 հայրենակիցներ զոհվել են մեր երկրի դեմ սիոնիստական ​​վարչակարգի վերջին ագրեսիայի հետևանքով: Զոհերի թվում են 102 կին և 38 երեխա: Մոտ 5000 մարդ վիրավորվել է, որոնց 70%-ը եղել են խաղաղ  բնակիչներ», – ասել է Իրանի Կարմիր մահիկի ընկերության ղեկավար Փիր Հոսեյն Քոլիվանդը:

Խորհրդարանում «Վրացական երազանք»-ի նախաձեռնած օրինագծի համաձայն՝ Ներքին գործերի նախարարությունը կկարողանա մուտք գործել և «ստուգել» բնակելի տարածքը, աշխատավայրը կամ այլ մասնավոր սեփականություն՝ «անօրինական միգրանտին հայտնաբերելու և նույնականացնելու նպատակով»։ Այս մասին գրում է aliq.ge-ն։

«Օտարերկրացիների և քաղաքացիություն չունեցող անձանց իրավական կարգավիճակի մասին» օրենքում փոփոխություններ կատարելու մասին օրենքի նախագիծը խորհրդարան է ներկայացվել հունիսի 25-ին և հրապարակվել հունիսի 30-ին։

Օրինագծի հեղինակներն ու նախաձեռնողները խորհրդարանի կայքում նշված են որպես «Վրացական երազանք»-ի և իր արբանյակ «Ժողովրդական իշխանություն» կուսակցության անդամներ՝ Արչիլ Գորդուլաձե, Թոռնիկե Ճեիշվիլի, Ալուդա Ղուդուշաուրի, Ռատի Իոնաթամիշվիլի, Դավիթ Մատիկաշվիլի և Թենգիզ Շարմանաշվիլի, Գուրամ Մաճարաշվիլի, Ալեքսանդրե Տաբատաձե և Ակակի Ալադաշվիլի։

Ըստ փոփոխությունների՝

• Վրաստանում անօրինական բնակվող օտարերկրացու «հայտնաբերման», նրա բնակության վայրը «ստուգելու» կամ նրա ճանապարհորդական փաստաթուղթը փնտրելու համար Ներքին գործերի նախարարության լիազոր մարմինը լիազորված է «շրջանային (քաղաքային) դատարանի դատավորի որոշման հիման վրա զննել օտարերկրացու բնակության վայրը կամ աշխատավայրը կամ մուտք գործել այլ մասնավոր սեփականություն/գույք»,
• Մասնավոր սեփականության համասեփականատիրոջ կամ համավարձակալի կամ աշխատավայրի գործատուի համաձայնությունը բավարար է դատավորի որոշման բացակայության դեպքում ստուգում անցկացնելու համար,
• Այն դեպքերում, երբ կա «անհետաձգելի անհրաժեշտություն», և «ուշացումը կարող է հանգեցնել օտարերկրացու փախուստի» կամ «նրա փաստաթղթի ոչնչացմանը կամ թաքցմանը», Ներքին գործերի նախարարությունն իրավասու է «նախաձեռնել բնակության կամ աշխատավայրի կամ այլ մասնավոր սեփականության ստուգում» և միայն դրանից հետո` 24 ժամվա ընթացքում, դիմել դատավորին։
• «Հարցում ներկայացնելիս Վրաստանի Ներքին գործերի նախարարության լիազոր մարմինը պետք է հիմնավորի ստուգման անհետաձգելի անհրաժեշտությունը», — նշված է օրենքի նախագծում։

Ռուսաստանի նախագահ Վլադիմիր Պուտինի և Ֆրանսիայի նախագահ Էմանուել Մակրոնի միջև հեռախոսազրույց է տեղի ունեցել։

Կրեմլի մամուլի ծառայությունից հայտնում են, որ Ռուսաստանի նախագահը Ֆրանսիայի նախագահի հետ խոսակցության ժամանակ շեշտել է՝ ուկրաինական հակամարտությունը Արևմուտքի վարած քաղաքականության ուղղակի հետևանքն է․ Արևմուտքը տարիներ շարունակ հակառուսական ուղի է որդեգրել, իսկ հիմա Ուկրաինայում երկարաձգում է ռազմական գործողությունները։

Կրեմլից նշում են նաև, որ Ռուսաստանի և Ֆրանսիայի նախագահները քննարկել են Մերձավոր Արևելքում ստեղծված իրավիճակը՝ Իրան-Իսրայել-ԱՄՆ առճակատման ֆոնին։ 

Պայմանավորվածություն է ձեռք բերվել՝ շարունակել շփումները։

Վլադիմիր Պուտինն ու Էմանուել Մակրոը վերջին անգամ 2022 թվականին են զրուցել։

«Осторожно, новости» կայքի թելեգրամյան ալիքը հրապարակել է ծեծված մարդկանց կադրեր և հաստատել, որ ծեծված կալանավորված ռուսաստանցիների տեսանյութում կան ռուսաստանցի ՏՏ մասնագետներ և գործարարներ։ Կադրերում երևում է, որ նրանց դաժանորեն ծեծել են։ Կայքը հաղորդում է, որ ձերբակալվածներից մի քանիսին դեմքերին առկա կապտուկների և հեմատոմաների պատճառով անհնար է ճանաչել։

«Շարք առաջինը 40-ամյա գործարար Անտոն Դրաչևն է։ Ռուսաստանում նա հայտնի է որպես Airo առցանց քիմմաքրման ծառայության համահիմնադիր։ Մինչև իր բիզնեսը սկսելը նա ղեկավարել է Red Star Asset Management տեղեկատվական տեխնոլոգիաների զարգացման բաժինը, բայց լքել է այն, դառնալով սեփական ընկերության տնօրեն։ Ստարտափում ներդրումներ են կատարել МТС և «Т-Инвестиции»-ի վենչուրային ֆոնդերը։ Նրա հետևում կանգնածներից մեկը 30-ամյա ծրագրավորող Դմիտրի Բեզուգլին է. նա ավարտել է Սանկտ Պետերբուրգի տեղեկատվական տեխնոլոգիաների ինստիտուտը, աշխատել VK-ում և Яндекс-ում»։ Ինչով էին նրանք զբաղվում Ադրբեջանում, անհայտ է»,- գրում է թելգրամյան ալիքը։

Ռուս-ադրբեջանական փոխադարձ «հարվածները» շարունակվում են

Քիչ առաջ Վորոնեժում ձերբակալել են ադրբեջանցի գործարար Յուսիֆ Հալիլովին: 24news-ի փոխանցմամբ՝ դրբեջանական աղբյուրների տեղեկություններով՝ ծնունդաով Ադրբեջանից Յուսիֆ Խալիլովը տարածաշրջանում խոշորագույն Ալեքսեեւյան շուկայի համասեփականատերն է: 

Պաշտոնական տեղեկատվություն դեռևս չի հրապարակվում:

ԱՄՆ-ի նախագահ Դոնալդ Թրամփը հայտարարել է, որ Իլոն Մասկը կարող է կորցնել ոչ միայն կառավարության էլեկտրական մեքենաների ծրագրի աջակցությունը: Նա խոստովանել է, որ DOGE գործակալությունը, որը նախկինում վերահսկվում էր հենց Մասկի կողմից, կարող է օգտագործվել իր դեմ։

«Իլոնը շատ ավելին ունի կորցնելու»,- ասել է Թրամփը՝ հավելելով. «DOGE-ը հրեշ է, որը կարող է շրջվել Իլոնի դեմ և ուտել նրան»: DOGE-ը պատասխանատու է պետական ​​ծախսերի օպտիմալացման և բյուրոկրատիայի դեմ պայքարի համար։

Թրամփի խոսքով՝ Մասկը «շատ սուբսիդիաներ է ստանում» և «վշտացած է, որ կորցնում է էլեկտրական մեքենաների մանդատը»: Նախագահը նաև ասել է, որ ինքը չի ուզում էլեկտրական մեքենա և կնախընտրեր հիբրիդային կամ ջրածնային մեքենա։

Թրամփը նախկինում նշել էր, որ Մասկը «պատմության մեջ ավելի շատ սուբսիդիաներ է ստացել, քան որևէ մեկը», և առանց դրանց «նա կվերադառնար Հարավային Աֆրիկա»։

Իլոն Մասկը մինչև վերջերս զբաղեցնում էր DOGE համակարգողի պաշտոնը և նախագահի մերձավոր շրջապատի անդամ էր: Սակայն նրա և նախագահի հարաբերությունները վատթարացան. Մասկը քննադատեց Սպիտակ տունը, պետական ​​ծախսերի և ներմուծման տուրքերի մասին օրենքը, ինչպես նաև աջակցեց Թրամփի իմպիչմենտի գաղափարին։

Ի պատասխան՝ նախագահը նրան անվանեց «խելագար» և մեղադրեց պարտականությունները անբարեխիղճ կատարելու մեջ՝ սպառնալով խզել իր ընկերությունների, այդ թվում՝ SpaceX-ի հետ կնքված պայմանագրերը։

Ըստ The Washington Post-ի՝ վերջին տարիներին Մասկի կառույցը ստացել է մոտ 38 միլիարդ դոլարի արժողությամբ կառավարական պատվերներ։ Մասկը հետագայում ներողություն խնդրեց իր հայտարարությունների համար, և կողմերը, ըստ NYT-ի, հեռախոսազրույց ունեցան:

«Իրավունքի և ազատության կենտրոն» ՀԿ֊ն վերլուծական զեկույց է հրապարակել Նիկոլ Փաշինյանի վարչապետության և նրա հանրային դիրքի վերաբերյալ:

Զեկույցում մասնավորապես ասվում է. «Այս հետազոտությունը ներկայացնում է ՀՀ վարչապետ Նիկոլ Փաշինյանի և նրա կառավարության նկատմամբ հանրային հավանության և վստահության վարկանիշների համապարփակ վերլուծությունը՝ 2018 թվականի Թավշյա հեղափոխությունից մինչև 2025 թվականի կեսերը։ Դիտարկվող յոթնամյա ժամանակահատվածը նշանավորում է Հայաստանի հետխորհրդային պատմության ականավոր փուլերից մեկը, որը բնութագրվում է հանրային տրամադրությունների կտրուկ փոփոխությամբ՝ գրեթե միաձայն հեղափոխական էյֆորիայից մինչև վստահության խորը և համատարած ճգնաժամ։

Նիկոլ Փաշինյանը իշխանության եկավ 2018 թվականի մայիսին՝ աննախադեպ ժողովրդական աջակցության ալիքի վրա, երբ նրա հավանության վարկանիշը գերազանցում էր 80%-ը, և առկա էր հանրային հստակ մանդատ՝ իրականացնելու լայնածավալ ժողովրդավարական և հակակոռուպցիոն բարեփոխումներ։ Սկզբնական տարիները նշանավորվեցին հսկայական լավատեսությամբ, երբ բնակչության ճնշող մեծամասնությունը կարծում էր, որ երկիրը շարժվում է ճիշտ ուղղությամբ։ Սակայն հեղափոխական այս «մեղրամիսը» աստիճանաբար իր տեղը զիջեց կառավարման բարդ իրողություններին՝ հանգեցնելով աջակցության բնական, թեև դանդաղ, անկմանը 2019 թվականի ընթացքում։

Այսօր՝ հուլիսի 1-ին Ռուսաստանի արտաքին գործերի նախարարության շենքում կայացած հանդիպման ժամանակ Ռուսաստանի Դաշնությունում Ադրբեջանի դեսպան Ռահման Մուստաֆաևը բողոքի նոտա է հղել ռուսական կողմին՝ Եկատերինբուրգում ադրբեջանցիների, որոնց թվում եղել են ինչպես Ադրբեջանի, այնպես էլ Ռուսաստանի քաղաքացիներ, սպանության և դաժան ծեծի ու վնասվածքների կապակցությամբ։ Այս մասին նշել է Ադրբեջանի արտաքին գործերի նախարարության մամուլի քարտուղար Այհան Հաջիզադեն։

Նոտայում նաև կտրուկ բողոք է արտահայտվել ադրբեջանցիների հարցաքննության ընթացքում Ռուսաստանի իրավապահ մարմինների կողմից խոշտանգումների և նվաստացուցիչ գործողությունների կիրառման դեմ։

Ըստ հաղորդագրության, ադրբեջանական կողմը պահանջել է, որ Ռուսաստանը անհապաղ միջոցներ ձեռնարկի այդ հարձակումների համապարփակ և օբյեկտիվ հետաքննության, ինչպես նաև մեղավորներին պատասխանատվության ենթարկելու համար՝ համաձայն Ռուսաստանի Դաշնության գործող օրենսդրության։

Հանդիպման ընթացքում դեսպանը նաև ներկայացրել է Ադրբեջանի դիրքորոշումը «Սպուտնիկ Ադրբեջան»-ի գրասենյակում տեղի ունեցած միջոցառումների վերաբերյալ, որը ներկայացվում է որպես «Ռուսաստանն այսօր» միջազգային տեղեկատվական գործակալության մասնաճյուղ։

Դիվանագետը ընդգծել է, որ գրասենյակում Ադրբեջանի իրավապահ մարմինների կողմից իրականացված օպերատիվ-հետաքննչական միջոցառումները լիովին համապատասխանում են այդ երկրի օրենսդրությանը և միջազգային պարտավորություններին։