ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Ուրբաթ օրը Թուրքիայի հյուսիս-արևելքում այս սեզոնի համար հազվադեպ ուժեղ ձյուն է տեղացել, մինչ երկրի այլ շրջանները պայքարում էին անտառային հրդեհների աճող թվի դեմ, հայտնում է AFP-ն։
Ըստ փորձագետների, մարդու գործունեությամբ պայմանավորված կլիմայի փոփոխությունը հանգեցնում է ավելի հաճախակի և ինտենսիվ եղանակային էքստրեմալ երևույթների՝ երաշտից մինչև սաստիկ շոգեր ու կարկուտ։
Ջերմաստիճանը կտրուկ նվազել է Ռիզեի լեռնային շրջաններում։ Ռիզեն քաղաք է Թուրքիայի սևծովյան հյուսիսարևելյան ափին, Վրաստանի հետ սահմանից մոտ 120 կիլոմետր հեռավորության վրա։ Ռիզեից լրագրող Գենչագա Կարաֆազլիօղլուն ասել է, որ նախկինում երբեք հուլիսին ձյուն չի տեսել։
Սոցիալական ցանցերում տարածված կադրերում երևում է, թե ինչպես են ծովի մակարդակից մոտ 2500 մետր բարձրության վրա գտնվող Օվիթ-Յայլասի սարահարթի դաշտերը ձյան տեղումներից հետո պատվել սպիտակ շերտով։
Ձյունը ծածկել է առնվազն 100 կիլոմետր տարածք՝ Անզեր Յայլասիից մինչև Քաչքարի լեռների ազգային պարկ և դրանից այն կողմ։
Ամենաշատը տուժել է Արդվինը, որը գտնվում է ափից մոտ 50 կիլոմետր հեռավորության վրա։
ԱՄՆ նախագահ Դոնալդ Թրամփը ուրբաթ օրը Սպիտակ տանը ստորագրել է հարկերի և ծախսերի լայնածավալ կրճատման մասին օրենքը՝ Հուլիսի 4-ի տոնական օրվա բացօթյա արարողությունը համատեղելով իր քաղաքական հանրահավաքի հետ, հայտնում է Reuters-ը։
Հանրապետականների կողմից վերահսկվող Ներկայացուցիչների պալատի կողմից օրինագծին դժվարությամբ հավանություն տալուց մեկ օր անց Թրամփի գլխավերևով թռել են ռազմական ինքնաթիռներ, իսկ հարյուրավոր աջակիցներ հավաքվել էին՝ մասնակցելու ստորագրման արարողությանը։
Օրինագիծը, որը կֆինանսավորի Թրամփի ներգաղթային միջոցառումները, մշտական կդարձնի 2017 թվականի նրա հարկային կրճատումները և, ինչպես սպասվում է, միլիոնավոր ամերիկացիների կզրկի բժշկական ապահովագրությունից, Ներկայացուցիչների պալատում տեղի ունեցած էմոցիոնալ բանավեճերից հետո ընդունվել է 218 կողմ, 214 դեմ ձայների հարաբերակցությամբ։
«Ես երբեք չեմ տեսել, որ մեր երկրում մարդիկ այսքան երջանիկ լինեն դրա համար, քանի որ այն ուղղված է այդքան տարբեր խմբերի՝ զինվորականների, ամենատարբեր քաղաքացիական անձանց, բոլոր տեսակի աշխատատեղերի խնդիրներին», - ասել է Թրամփը արարողության ժամանակ՝ շնորհակալություն հայտնելով Ներկայացուցիչների պալատի խոսնակ Մայք Ջոնսոնին և Սենատի մեծամասնության առաջնորդ Ջոն Թունին՝ Կոնգրեսի երկու պալատներով օրինագիծն անցկացնելու համար։
«Այսպիսով, դուք ունեք ամերիկյան պատմության մեջ հարկերի ամենամեծ կրճատումը, ծախսերի ամենամեծ կրճատումը, սահմանների անվտանգության ապահովման ամենախոշոր ներդրումները», - ասել է Թրամփը։
Ելույթից հետո, որը ներառում էր պարծենկոտ հայտարարություններ իր օրոք Ամերիկայի գերազանցության մասին, Թրամփը ստորագրել է օրինագիծը, լուսանկարվել Կոնգրեսի հանրապետական առաջնորդների և իր կաբինետի անդամների հետ և անցել ուրախ աջակիցների ամբոխի միջով։
Օրինագծի ընդունումը մեծ հաղթանակ է Թրամփի և նրա հանրապետական դաշնակիցների համար, որոնք պնդում են, որ այն կարագացնի տնտեսական աճը՝ միևնույն ժամանակ մեծապես մերժելով անկուսակցական վերլուծությունը, որը կանխատեսում է, որ օրինագիծը ավելի քան 3 տրիլիոն դոլար կավելացնի 36,2 տրիլիոն դոլար կազմող ազգային պարտքին։
Հուլիսի 5-ին Հայաստանը նշում է Սահմանադրության օրը:
1991 թվականին անկախության հռչակումից հետո Սահմանադրությունն ընդունվեց 1995-ի հուլիսի 5-ին, և այդ օրն էլ դարձավ պետական տոն: Այն ժամանակվա ընդդիմությունը հանրաքվեի արդյունքները կեղծված համարեց, սակայն պաշտոնական տվյալներով Սահմանադրությունն ընդունվեց: Դա անկախ Հայաստանի առաջին Սահմանադրությունն էր:
Անցած տարիներին երկրի Հիմնական օրենքը երկու անգամ ենթարկվել է փոփոխությունների հանրաքվեների միջոցով, առաջինը՝ 2005 թվականի նոյեմբերի 27-ին, երկրորդը՝ 2015-ի դեկտեմբերի 6-ին:
Իրանի Իսլամական Հանրապետության զինված ուժերի գլխավոր շտաբի պետ, գեներալ-մայոր Ամիր Սեյեդ Աբդոլրահիմ Մուսավին հայտարարել է, որ Իրանի վրա հերթական հարձակման դեպքում կիրականացնեն կաթվածահար անող ծրագիր, փոխանցում է ԻՌՆԱ գործակալությունը։
«Գերագույն առաջնորդի առաջին հրամանով մենք պատրաստել էինք կաթվածահար անող ծրագիր, բայց այն իրականացնելու հնարավորություն չեղավ: Եթե Իսրայելը կրկին հարձակվի Իրանի վրա, կտեսնի, թե ինչի ենք ունակ։ Նույնիսկ ԱՄՆ-ն չի կարողանա փրկել Նեթանյահուին»,- ասել է նա:
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 383 դրամ, վաճառքի նվազագույն արժեքը՝ 386 դրամ:
Եվրոյի առքի առավելագույն արժեքն է 448 դրամ, վաճառքի նվազագույն արժեքը՝ 456 դրամ:
Ռուսական ռուբլու առքի առավելագույն արժեքն է 4.84 դրամ, վաճառքի նվազագույն արժեքը՝ 4.93 դրամ:
Երևանում հուլիսի 5-6-ին գիշերը և երեկոյան սպասվում է կարճատև անձրև և ամպրոպ։ Հուլիսի 7-9-ին սպասվում է առանց տեղումների եղանակ։ Սպասվում է քամու ուժգնացում ամպրոպի ժամանակ՝ 17-21մ/վ, երեկոյան ժամերին՝ 15-18 մ/վ։
Մարզերում հուլիսի 5-6-ին գիշերը և կեսօրից հետո, 7-9-ին կեսօրից հետո, առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Հուլիսի 5-ին առանձին հատվածներում անձրևները կլինեն հորդառատ։ Քամին՝ հյուսիսարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 19-23 մ/վ արագությամբ։ Օդի ջերմաստիճանը հուլիսի 5-ին կնվազի 2-3 աստիճանով։
Հուլիսի 5-ին Հայաստանը նշում է Սահմանադրության օրը:
1991 թվականին անկախության հռչակումից հետո Սահմանադրությունն ընդունվեց 1995-ի հուլիսի 5-ին, և այդ օրն էլ դարձավ պետական տոն: Այն ժամանակվա ընդդիմությունը հանրաքվեի արդյունքները կեղծված համարեց, սակայն պաշտոնական տվյալներով Սահմանադրությունն ընդունվեց: Դա անկախ Հայաստանի առաջին Սահմանադրությունն էր:
Անցած տարիներին երկրի Հիմնական օրենքը երկու անգամ ենթարկվել է փոփոխությունների հանրաքվեների միջոցով, առաջինը՝ 2005 թվականի նոյեմբերի 27-ին, երկրորդը՝ 2015-ի դեկտեմբերի 6-ին:
Վրաստանի նախագահ Միխեիլ Կավելաշվիլին հայտարարել է, որ կներում շնորհի բանտարկված ընդդիմադիրներին, եթե նրանք նրանք մասնակցեն հոկտեմբերին կայանալիք տեղական ինքնակառավարման մարմինների ընտրություններին։
«Ես առաջարկում եմ, որ բոլոր դատապարտված քաղաքական գործիչները դիմեն ինձ ներման համար և հաստատեն ընտրություններին մասնակցելու իրենց ցանկությունը։ Նման դիմումի դեպքում ես անմիջապես կհրապարակեմ ներման մասին ակտ տվյալ բանտարկյալների համար», - գրել է Վրաստանի նախագահը իր Ֆեյսբուքյան էջում։
Նրա խոսքով՝ կարևոր է, որ բոլոր քաղաքական կուսակցությունները մասնակցեն տեղական ինքնակառավարման ընտրություններին և կարողանան լիարժեք ընտրարշավներ անցկացնել։
Ավելի վաղ վարչապետ Վրաստանի Իրակլի Կոբախիձեն հայտարարել էր, որ Վրաստանում այլևս ընդդիմություն չկա, և որ վրաց ժողովուրդը չի աջակցում նրանց։ Նա նաև նշել է, որ երկրի իշխանությունների համար առաջնահերթություն է վրաց ժողովրդի դիրքորոշումը։
Թուրքիան ակնկալում է, որ Բաքվի և Երևանի միջև հնարավոր խաղաղության համաձայնագիրը կբավարարի Ադրբեջանի օրինական պահանջները: Այս մասին հայտարարել է Թուրքիայի նախագահ Ռեջեփ Թայիփ Էրդողանը Ստեփանակերտում Ադրբեջանի նախագահ Իլհամ Ալիևի հետ հանդիպման ժամանակ։
Թուրքիան ուշադիր հետևում է Ադրբեջանի և Հայաստանի միջև համապարփակ խաղաղության բանակցություններին, ասել է Էրդողանը Տնտեսական համագործակցության կազմակերպության (ՏՀԿ) գագաթնաժողովի շրջանակներում։
Երկու առաջնորդները քննարկել են նաև երկկողմ հարաբերությունները, ինչպես նաև տարածաշրջանային և համաշխարհային հարցեր, իսկ Էրդողանը նշել է, որ երկու երկրների միջև համերաշխությունը կարող է ծառայել որպես համերաշխության մոդել։
Ֆոտո
