Հայաստանում Իրանի դեսպանատունը հանդես է եկել հայտարարությամբ
Հայաստանում Իրանի Իսլամական Հանրապետության դեսպանատունը, ի պատասխան Հայաստանում ԱՄՆ դեսպանատան հայտարարության, որը զգուշացնում էր ԱՄՆ քաղաքացիներին չմոտենալ Հայաստանում Իրանի կառավարությանը վերաբերող կառույցներին, այդ թվում՝ Իրանի Իսլամական Հանրապետության դեսպանատանը, Երևանի Կապույտ մզկիթին և Սյունիքի Իրանի հյուպատոսությանը, հանդես է եկել հետևյալ հայտարարությամբ.
Հանուն Ամենակարող Աստծո
Հաշվի առնելով Երևանում ԱՄՆ դեսպանության 2025 թ. հունիսի 16-ի հայտարարությունը, որի որոշ կետեր առնչվում են Իրանի Իսլամական Հանրապետությանն ու Հայաստանում իրանական կառույցներին, սույնով տեղեկացնում ենք, որ նշված հայտարարությունը կասկած է առաջացնում և շարունակությունն է հանդիսանում Ամերիկայի Միացյալ Նահանգների կառավարության հոգեբանական և լրատվական գործողությունների արշավի՝ ի աջակցություն Սիոնիստական ռեժիմի կողմից Իսլամական Հանրապետության տարածքի վրա անօրինական զինված հարձակմանը: Դրանց նպատակը քարոզչությունն է կասկածի ու վտանգի մթնոլորտ ստեղծել Հայաստանում իրանական կառույցների շուրջ միաժամանակ հանդիսանալով հայ ժողովրդի և Իրանի Իսլամական Հանրապետության ու նրա կառույցների միջև եղբայրական, բարեկամական ու խոր հարաբերությունների վրա բացասական ազդեցություն ունենալու փորձ:
️Դատապարտելով ԱՄՆ դեսպանության այս մոլորեցնող և միջամտողական քայլը՝ հիշեցնում ենք, որ այն երկիրը, որի ներկայացուցչությունն է հանդիսանում այն, երկարամյա պատմություն ունի այլ երկրների ներքին գործերին միջամտելու մեջ։
Ցանկանում ենք հիշեցնել ԱՄՆ դեսպանությանը, որ նրա մոլորեցնող ու հնացած մեթոդները որևէ արժեք չեն ներկայացնում մեր բարեկամ և հարևան երկիր Հայաստանում։ Հայաստանի ժողովրդի և Իրանի Իսլամական Հանրապետության միջև կապը անքակտելի է:
Latest from ArmNews
- Ռուսաստանի ԱԻՆ-ը շնորհակալություն է հայտնել Ադրբեջանին՝ Իրանից ռուս քաղաքացիների տարհանման համար
- Թուրքիան հորդորել է Ֆրանսիային չմիջամտել երկրի ներքին գործերին
- Անհայրենիք ստահակներ, դուք դեռ երկար կլիզեք մեր բանտերի ճաղերը. Արսեն Թորոսյան
- Թրամփը ցանկանում է վերացնել Իրանի դեմ պատժամիջոցները
- Պատկերացրեք՝ ինչ կլինի, եթե մենք մտածենք, որ հանուն վեհ նպատակի ձեզ բոլորիդ պետք է վերшցնենք, դա վատ բան է. Ռուբինյան. Տեսանյութ
- «Եթե որևէ կերպ ֆիզիկական միջամտություն եմ արել, ներողություն եմ խնդրում»․ Հակոբ Արշակյան
- Սոֆիա Վերգարան արեւայրուք է ընդունում Իբիցայում՝ ցուցադրելով իր շքեղ բարեմասնությունները
- Մասկի՝ կուսակցություն բացելուց հետո Տեսլայի բաժնետոմսերն անկում են ապրել
Լրահոս
Ֆոտո
