ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Ղարաբաղյան պատերազմի վետերանների միության հայտարարությունը․
«Վերջին 6 տարիների ընթացքում Հայաստանում գրեթե միանձնյա իշխող-դիկտատոր կլանը գրեթե լիովին մսխեց մեր Արցախյան Ազատագրական պայքարի հաղթական ոգին, իրենց իսկ ասած «դուխը»։ Այսօր Հայոց բանակն ու ժողովուրդը ստորացված ու բարոյալքված են։ Ստոկոլմյան սինդրոմով տառապող ՀՀ կապիուլյանտ կառավարությունն այսօր ցանկանում է վերջնականապես ընկճել հայի ոգին, ստորացնել, սարքել լլկված, հլու-հպատակ, թրքահպատակ, հանձնվող, պարտվող, հող տվող։ Կառավարության ձեռքի բութ գործիքը դարձած ոստիկանությունը ամեն կարելի ու անկարելի մեթոդներով ճնշում է իրենց արդար բողոքն արտահայտող քաղաքացիներին։
Ղարաբաղյան պատերազմի վետերանների միությունը միակամ կանգնած է իրենց արդարացի բողոքն արտահայտող բոլոր քաղաքացիների կողքին և իր զորակցությունն է հայտնում։
Ո՛չ ենք ասում ոստիկանապետությանը, ո՛չ թրքահպատակությանը, ո՛չ հողատվությանը։
Ղարաբաղյան պատերազմի վետերանների միությունը դիմում է իր բոլոր համակիրներին ու մարտական ընկեր ազատամարտիկներին՝ կոչ անելով սոցցանցերով և լրատվամիջոցներով, սեփական հայտարարություններով ու գործով միանալու մեր պայքարին։
Ո՛չ հողատվությանը, ո՛չ ոստիկանապետությանը, ո՛չ թրքահպատակությանը»։
#ՀԻՄԱ. ՍՐԲԱԶԱՆ ՇԱՐԺՈԻՄԸ ԳՅՈՒՄՐԻՈՒՄ ՀԱՆՐԱՀԱՎԱՔ Է ԱՆՑԿԱՑՆՈՒՄ
#ՀՐԱՏԱՊ. ԳԵՂԱՐՔՈԻՆԻՔՈՒՄ ՓԱԿՎՈՒՄ ԵՆ ՃԱՆԱՊԱՐՀՆԵՐ՝ Ի ԱՋԱԿՑՈՒԹՅՈՒՆ ՍՐԲԱԶԱՆԻ ՇԱՐԺՄԱՆ
«Տավուշ հանուն հայրենիքի» շարժման առաջնորդ Բագրատ սրբազանին «Տալույս» երգչախմբի երեխաները դիմավորեցին Գյումրու դրամատիկական թատրոնի աստիճաններին կանգնած երգելով։
Ավելի վաղ հայտնել էինք, որ Բագրատ սրբազանի այցին ընդառաջ ապամոնտաժվել է Գյումրիում նախատեսված մանկական համերգի բեմը։
Տավուշի թեմի «Տալույս» երգչախմբի ղեկավար Մարիա Գալստյանը պատմել էր, որ ԿԳՄՍ փոխնախարար Դանիել Դանիելյանը զանգել, հրահանգել է համերգը նախատեսվածից շուտ սկսել։ Մասնակիցները բացատրել են, որ դա հնարավոր չէ։ Դրանից հետո բեմը պարզապես ապամոնտաժել են։
«Մի վայրկյան չտխրեք, դուք ո՛չ այս բեմին եք կարոտ, ո՛չ էլ որևէ բանի։ Իրենք են, որ կորցրել են, իրենք են, որ ձեր հոգիները խոցել ու վնասել են և դրա համար էլ պատասխանը տալու են։ Մի վայրկյան չտրտմեք։ Այն հոգին, այն մեծ զգացումը, որ դուք ունեք, ոչ մի ձևով չպետք է կոտրվի ձեր մեջ»,– ասաց սրբազանը երեխաններին։
Բագրատ սրբազանը ասաց, որ տեղյակ է համերգի չեղարկման բոլոր մանրամասներից ու միայն մի բան ունի ասելու։
«Իրենք քաղաքականացրել են ամեն ինչ ուղնուծուծով։ Ես հիմա ասում եմ հրապարակային` Դանիել Դանիելյան, դու պետք է ներողություն խնդրես քո արածի համար, դեռ համբերում եմ ու բան չեմ ասում։ Դու ո՞վ ես, որ որոշում կայացնես»,– ասաց նա։
Նշենք, որ լրատվամիջոցների տեղեկություններով` մանկական համերգին պետք է ներկա լիներ նաև ՀՀ վարչապետի կինը` Աննա Հակոբյանը։
Հայաքվե»-ն լուսանկար է տարածել ֆեյսբուքյան էջում՝ կից գրառմամբ․ «Ամոթի պատի հերթական հակահերոսը ԿԳՄՍ փոխնախարար Դանիել Դանիելյանն է, որն օրեր առաջ մի համերգի ժամանակ անպարկեշտ արտահայտություններ է թույլ տվել Շարժման և ցուցարարների հասցեին, այսօր էլ կարգադրել է ապամոնտաժել Գյումրիում «ՏաԼույս» մանկական երգչախմբի համար նախատեսված բեմահարթակը, անպատվել հոգևորականներին, նրանց վանական զգեստն անվանել «դեյրա»:
Ամոթ և խարան մտավորականի քողի տակ թաքնված վարչախմբի այս կատարածուին»:
Աղբյուրը` Հայաքվե
Այսօր՝ հունիսի 1-ին, առեղծվածային դեպք է տեղի ունեցել Գեղարքունիքի մարզում:
Ինչպես հայտնում է ֆոտոլրագրող Գ. Շամշյանը, առավոտյան ոստիկանության Սևանի բաժին է դիմել մի քաղաքացի և հայտնել, որ իր 25-ամյա աղջիկը գիշերն այցելել է Սևանի վարչական տարածքում գործող «Best Western Bohemian Resort» հանգստյան գոտի և մինչ այս պահը տեղեկություններ չունի նրանից․ կան կասկածներ, որ ջրահեղձ է եղել:
Սկսել են իրականացվել որոնողական աշխատանքներ։ Դեպքի վայրում գտնվողները հայտնել են, որ նա Երևանի բնակիչ Անահիտ Մ-ն է՝ կոմպոզիտոր։
Մանրամասները՝ սկզբնաղբյուրում։
Ծնողները Տավուշից վեր են կացել, որ 14։00-ին հասնեն տեղ, համերգին մասնակցեն, ԿԳՄՍՆ-ից ժամ են փոխել՝ 12։00-ին, որ մենք ներկա չլինենք։
Հիվանդ մարդիկ, հլը դրանց խելքին նայի»,- Գյումրիում լրագրողների հետ զրույցում ասել է Բագրատ Սրբազանը՝ անդրադառնալով երեխաների օրվան նվիրված համերգին։ «Պետական միջոցներով է․․․
նախ սա Ազնավուր հիմնադրամի հետ համատեղ է, երկրորդ, պետական միջոցների վճարողն էլ ենք մենք, հորդ տնի՞ց ես բերել պետական միջոցները, Դանիել Դանիելյա՛ն։
Սա է՞ երեխայի պաշտպանության օրը․ դուք երեխա ավերող եք, երեխա պաշտպանո՞ղ եք, անկիրթ գազաննե՛ր»,- հավելել է նա:
Գյումրիում մանկական համերգի բեմն ապամոնտաժվել է «Տավուշը հանուն հայրենիքի» շարժման ժամանման ֆոնին, հայտնում է Սպուտնիկ Արմենիան։
Համերգը նվիրված էր Շառլ Ազնավուրի 100-ամյակին, կազմակերպվում էր «Ազնավուր» հիմնադրամի աջակցությամբ։
«ՏաԼույս» երգչախմբի գեղարվեստական ղեկավարին զանգահարել է ԿԳՄՍ փոխնախարար Դանիել Դանիելյանը և պահանջել, որ ժամը 14։00-ին նախատեսված համերգի ժամը տեղափոխվի։ Երեխաները, սակայն, պատրաստ չեն եղել ավելի վաղ ներկայացմանը, պատմել է երգչախմբի ղեկավար Մարիա Գալստյանը։
Գյումրիում աշխատող լրագրողները հայտնում են, որ այսօր նախատեսված համերգը ԿԳՄՍՆ-ի կողմից հետաձգվել է։
Արձագանքելով՝ Բագրատ Սրբազանն ասել է․ «Այսօր երեխաների օրն է․ համերգը պետք է լիներ ժամը 14։00-ին։
Մշակույթի նախարարությո՛ւն, ի մասնավորի՝ Դանիել Դանիելյա՛ն, դեռ որևէ բան չեմ ասում, հրապարակային ներողություն կխնդրի իր արածի համար՝ էսքան մարդու բերելու ու վերջին ժամին բան փոխելու համար։
Դու ո՞վ ես, որ մեջտեղ ընկնես, ինչ-որ բան անես, ա՛յ կիսագրագետ»։
Կենդանակերպի երեք նշանների ներկայացուցիչները երբեք չեն մոռանա 2024 թվականի ամառը։ Նրանց սպասում է բախտի և հաջողության առավելագույն քանակ, փոխանցում է Մեդիահաբը:: Նրանք կկարողանան ստանալ այն ամենը, ինչի մասին երբևէ երազել են։ Մասնագիտական հաջողություններ և անձնական կյանքի բարելավում. ահա թե ինչ է սպասում այս նշանների տակ ծնվածներին։
Այծեղջյուրի կարիերան վերև կգնա։ Կարող եք հույս դնել աշխատավարձի զգալի աճի և առանձին գրասենյակի վրա։ Գործընկերները կհիանան ձեր աշխատունակությամբ, իսկ ղեկավարությունը կգովաբանի ձեզ ձեր արդյունքների համար:
Խեցգետինները պետք է ուշադրություն դարձնեն իրենց ընտանիքին։ Անհրաժեշտ կապ հաստատելու համար պետք է որքան հնարավոր է շատ ժամանակ տրամադրել մտերիմների հետ։ Միասին ճամփորդեք. դա թույլ կտա ձեզ վայելել միմյանց:
Աղեղնավորներին մասնագիտական ոլորտում աննախադեպ վերելք է սպասում։ Ռիսկերն արդարացված կլինեն։ Դուք կհասնեք նրան, ինչի նպատակ եք դրել:
Ֆոտո
