Հնդիկ աշխատանքային միգրանտներին վարձելու համար կօգտվեն տվյալների խոշոր բազայից․ Մկրտչյան
Հայաստանի իշխանությունները ցանկանում են համագործակցություն հաստատել Skill India սերտիֆիկացված աշխատողների պետական բազայի հետ, որպեսզի կարգավորեն Հնդկաստանից աշխատանքային միգրանտների հրավերը: Այս մասին 2023-ի պետական բյուջեի կատարման հաշվետվության լսումների ժամանակ ասաց ՀՀ աշխատանքի և սոցիալական հարցերի նախարար Նարեկ Մկրտչյանը։
Այդ բազայով Հնդկաստանն արտերկիր է ուղարկում տարեկան մոտ 60 մլն աշխատանքային միգրանտ։ Նախարարի խոսքով՝ այստեղ երկրի կառավարությունը քաղաքացիների մասնագիտական հմտությունների մասին տվյալներ է մտցնում։
Նա հավելել է, որ աշխատանքի և սոցիալական հարցերի նախարարության ներկայացուցիչները բազմիցս հանդիպել են և՛ Հնդկաստանի դեսպանի, և՛ Հնդկաստանի պատասխանատու գերատեսչությունների ներկայացուցիչների հետ:
Պատրաստվում է համաձայնագիր, որի համաձայն բիզնեսը կկարողանա այդ տվյալների բազայից ընտրել աշխատակիցներին և նրանց հրավեր ուղարկել, իսկ այդ քաղաքացիների մասին տվյալները, մինչ նրանց Հայաստան ժամանելը, կստուգեն նաև պետական անվտանգության մարմինները:
«Հարցը ոչ միայն դա է, այլև հենց աշխատողների աշխատանքային իրավունքների պաշտպանությունը։ Չէ որ մի բան է, եթե նրանք գալիս են աշխատանքային պայմանագրով, և մեկ այլ բան, որ առանց դրա են գալիս և ոչ մի տեղ չեն գրանցում որպես վարձու աշխատողներ»,- հավելել է նախարարը։
Latest from ArmNews
- Ձեզ իսկական հաղթանակ է սպասում. Կենդանակերպի 6 նշանների համար ամառը ճակատագրական անակնկալներ կբերի
- «Իսրայել-ՀԱՄԱՍ բանակցություններն ավարտվել են առանց համաձայնության»․ #Reuters
- «Չկա այնպիսի տարածք, որն իրավապահների համար փակ է». Հասմիկ Հակոբյան
- «Փաշինյանն արեց այն, ինչ ես չարեցի 2011-2012 թվականներին»․ Սաակաշվիլի
- Հայ շախմատիստուհիները հաղթանակով են սկսել Բաթումիում ընթացող Աշխարհի գավաթի առաջնությունը
- Հութիները հարձակվել են Թել Ավիվի «Բեն Գուրիոն» օդանավակայանի և Աշկելոնի էլեկտրակայանի վրա
- «Քրեակատարողական բժշկության կենտրոն»-ի բուժքրոջ մոտից հայտնաբերվել է խոշոր չափի թմրամիջոց
- Խարկովում 30 մարդ է վիրավորվել ռուսական հարվածներից
Լրահոս
Ֆոտո
